ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି :ପଞ୍ଚାୟତ ନିର୍ବାଚନ ଯେତିକି ପାଖେଇ ଆସୁଛି ସାରା ରାଜ୍ୟରେ ବୃଦ୍ଧି ପାଉଛି ରାଜନୈତିକ ଉଷ୍ମତା ।ଗ୍ରାମାଞ୍ଚଳ ରେ ଏହି ଉଷ୍ମତା ଟିକେ ଅଧିକ ଥିବାଭଳି ଜଣା ପଡ଼ୁଛି।ଏହି ପରିପେକ୍ଷୀ ରେ ବିଭିନ୍ନ ରାଜନୈତିକ ଦଳ ତରଫରୁ ନିଜ ଦଳ କୁ ଆଣିବାକୁ ଚାଲିଛି ମିଶ୍ରଣ ପର୍ବ। ଚାନ୍ଦବାଲି ବ୍ଲକ ଘଟପୁର ପଞ୍ଚାୟତ ର ବାଙ୍କୀପାଳ ଠାରେ ବିଜୁ ଜନତା ଦଳର ଏକ ମହାମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି।ବିଜେଡ଼ି ଜିଲ୍ଲା ଉପ ସଭାପତି ତଥା ସାଂସଦ ଙ୍କ ପ୍ରତିନିଧି ଅଶୋକ ବଳଙ୍କ ସଭାପତିତ୍ବରେ ଅନୁଷ୍ଠିତ ଉକ୍ତ କାର୍ଯ୍ୟ କ୍ରମରେ ମୁଖ୍ୟ ଅତିଥି ରୂପେ ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ତଥା ଚାନ୍ଦବାଲି ବିଧାୟକ ଡ଼ଃ ବ୍ୟୋମକେଶ ରାୟ ଉପସ୍ଥିତ ରହି ଅନ୍ୟ ଦଳ ରୁ ପ୍ରାୟ ପଚାଶ ରୁ ଉର୍ଧ୍ଵ ପରିବାର ବିଜେଡ଼ି ରେ ସାମିଲ ହୋଇଥିଲେ।ବିଧାୟକ ଡ଼ଃ ରାୟ ସେମାନଙ୍କୁ ଦଳୀୟ ଉତ୍ତରୀୟ ପିନ୍ଧାଇ ସ୍ଵାଗତ କରିବା ସହ ଆଗାମୀ ଦିନରେ ସେମାନଙ୍କ ଯୋଗଦାନ ଦଳ କୁ ମଜଭୁତ କରିବ ବୋଲି ପ୍ରକାଶ କରିଥିଲେ।ଜଳଦେଶ ରୂପେ ପରିଚିତ ଏହି ଅଞ୍ଚଳ ର ସର୍ବାଙ୍ଗୀନ ଉନ୍ନତି ରେ ତାଙ୍କର ବିଶେଷ ନଜର ରହିବ ବୋଲି ପ୍ରକାଶ କରିଥିଲେ।ଅନ୍ୟ ମାନଙ୍କ ମଧ୍ୟରେ ସରପଞ୍ଚ ସରୋଜ ବଳ, ବ୍ଲକ ଅଧ୍ୟକ୍ଷ ଙ୍କ ପ୍ରତିନିଧି ରଞ୍ଜନ ସାହୁ, ପଞ୍ଚାୟତ ବିଜେଡ଼ି ସଭାପତି ଯୋଗେନ୍ଦ୍ର ରାଉତ, ଜିଲ୍ଲା ସାଧାରଣ ସମ୍ପାଦକ ଶରତ ସାହୁ, ବରିଷ୍ଠ ନେତା ନରେଶ ମାଝୀ, ବିନୋଦ ଦାସ୍ ଙ୍କ ସମେତ ବହୁ ଆଗଧାଡି ର ନେତା ଉପସ୍ଥିତ ଥିଲେ।ଉକ୍ତ କାର୍ଯ୍ୟକ୍ରମରେ ଶତାଧିକ ବିଜେଡ଼ି କର୍ମୀ ଉପସ୍ଥିତ ଥିଲେ।(ରିପୋର୍ଟ :ପ୍ରଶାନ୍ତ କୁମାର ପାଣି)
