ସନଷ୍ଟାର ଟିଭି ବ୍ୟୁରୋ
ହରିୟାଣା :ଶୁକ୍ରବାର ଦିନ ହରିୟାଣାର କୁରୁକ୍ଷେତ୍ର ଜିଲ୍ଲାର ନାଲଭି ଗ୍ରାମ ନିକଟ ଇସମାଇଲାବାଦ-ଶାହାବାଦ ରାସ୍ତାରେ ଥିବା ଏକ ଗଛ ଉପରେ କାର ଚଢ଼ିଯିବା ପରେ ଘଟଣାସ୍ଥଳରେ ପାଞ୍ଚ ଜଣଙ୍କର ମୃତ୍ୟୁ ଘଟିଛି। ଅଧିକାରୀ କହିଛନ୍ତି ଯେ ମାରୁତି ୮୦୦ କାରର ଡ୍ରାଇଭର ନିୟନ୍ତ୍ରଣ ହରାଇ ଏକ ଗଛରେ ପିଟି ହୋଇଯାଇଥିଲା। ଶୁକ୍ରବାର ଦିନ ପ୍ରାୟ ୧.୩୦ ସମୟରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି। ପରେ ପୋଲିସ ଘଟଣାସ୍ଥଳରେ ପହଂଚିବା ପରେ କ୍ରେନ ସାହାଯ୍ୟରେ ମୃତଦେହକୁ ବାହାରକୁ ନିଆଯାଇଥିଲା।
ଶାହାବାଦ ପୋଲିସ ଷ୍ଟେସନର ଦାୟିତ୍ୱରେ ଥିବା ପ୍ରେମ ସିଂ କହିଛନ୍ତି ଯେ ମୃତକଙ୍କ ବୟସ ୨୦ ରୁ ୨୫ ବର୍ଷ ମଧ୍ୟରେ। ସେମାନେ ଜୈନପୁର ଗାଁର ଗୁରୁମିତ ସିଂ, ଗୌରପୁର ଗାଁର ଗୋଲ୍ଡି, ବସନ୍ତପୁରା ଗାଁର ଅଙ୍କିତ ଏବଂ ବ୍ରିଜପାଲ ଏବଂ ନାଲଭି ଗାଁର ବିଶାଲ କୁମାର ବୋଲି ଜଣାପଡିଛି। ସମସ୍ତେ କୁରୁକ୍ଷେତ୍ର ଜିଲ୍ଲାର ବୋଲି ସୂଚନା ମିଳିଛି। ମୃତଦେହ ପୋଷ୍ଟ ମର୍ଟମ ପାଇଁ ସିଭିଲ ଡାକ୍ତରଖାନାକୁ ପଠାଯାଇଛି।
