ସନଷ୍ଟାର ଟିଭି ବ୍ୟୁରୋ
ଗଞ୍ଜାମ :ଗଞ୍ଜାମ ଜିଲ୍ଲାର ବୁଗୁଡା ସହର ଅନ୍ତର୍ଗତ ସନ୍ତୋଷିମା ମନ୍ଦିର ନିକଟରେ ସଡକ ଦୁର୍ଘଟଣା ହୋଇଛି। ସୂଚନାମୁତାବକ ବୁଗୁଡା ବ୍ଳକ ଅନ୍ତର୍ଗତ ବିରଞ୍ଚିପୁର ଗ୍ରାମପଞ୍ଚାୟତର ବରଡିପଲ୍ଲି ଗ୍ରାମର ରାଜେଶ ସେଠି ବୁଗୁଡା ସହର ଅତିକ୍ରମ କରି ପୋଲଶରା ଅଭିମୁଖେ ଯାଉଥିବା ସମୟରେ ଏକ ଦୂତଗତିରେ ଆସୁଥିବା ୪୦୭ଗାଡିଟି ଆସି ରାଜେଶ ଙ୍କ ବାଈକ୍ କୁ ଧକ୍କାଦେଇଥିଲା। ଫଳରେ ତାଙ୍କ ଛାତି ଉପରେ ଗାଡିଟି ଚଢି ଯାଇଥିଲା ଯାହାଫଳରେ ରାଜେଶଙ୍କୁ ଗଭୀର ଆଘାତ ଲାଗିଥିଲା। ସେଠାକାର ସ୍ଥାନୀୟ ଲୋକେ ରାଜେଶଙ୍କୁ ବୁଗୁଡା ଗୋଷ୍ଠୀ ସ୍ୱାସ୍ଥ୍ଯକେନ୍ଦ୍ରକୁ ଆଣିଥିଲେ। ମେଡିକାଲରେ ଡାକ୍ତର ରାଜେଶଙ୍କୁ ଦେଖିବା ପରେ ତାଙ୍କୁ ମୃତ ଘୋଷଣା କରିଥିଲେ। ଘଟଣାସ୍ଥଳରେ ବୁଗୁଡା ପୋଲିସ୍ ପହଞ୍ଚି ବାଇକ୍ ଏବଂ୪୦୭ ଗାଡିକୁ ଜବତ କରିଛି। ଘଟଣା ସ୍ଥଳରୁ ୪୦୭ ଗାଡି ଡ୍ରାଇଭର ଫେରାର ହୋଇଯାଇଛି । ଏବଂ ରାଜେସଙ୍କ ମୂତଦେହ କୁ ପୋଲିସ୍ ଜବତ କରି ଶବବ୍ୟବଛେଦ ପାଇଁ ପଠାଯାଇଛି।
ପ୍ରକୃତ ଘଟଣାର ତଦନ୍ତ ପାଇଁ ବୁଗୁଡା ପୋଲିସ୍ ଜାରିରଖିଛି। ସଡକ ଦୁର୍ଘଟଣା ଘଟିଥିବା ଘଟଣାସ୍ଥଳରେ ସ୍ଥାନୀୟ ଲୋକେ ବୁଗୁଡା ପୋଲସରା ମୁଖ୍ୟ ରାସ୍ଥାକୁ ବହୁ ସମୟ ଧରି ରାସ୍ଥା ଅବରୋଧ କରିଥିଲେ । ଲୋକେ ରାସ୍ଥା ଅବରୋଧ କରିଥିବା ଖବର ପାଇ ଘଟଣାସ୍ଥଳରେ ସ୍ଥାନୀୟ ପୋଲିସ ଏଂ ପ୍ରଶାସନ ପହଞ୍ଚି ସେଠାକାର ଲୋକଙ୍କୁ ବୁଝାସୁଝା କରିବା ପରେ ରାସ୍ଥା ରୋକ ହଟିଥିଲା। ରାଜେଶ ଙ୍କ ମୃତ୍ୟୁ ଖବର ପାଇ ତାଙ୍କ ପରିବାର ଲୋକେ ସେଠାରେ ପହଁଞ୍ଚି ତାଙ୍କ ମୃତ୍ୟୁ ରେ ମର୍ମାହତ ହୋଇଯାଇଥିଲେ ଓ ସେଠାରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା।(ରିର୍ପୋଟ: ସୁନୀଲ କୁମାର ଦାସ)
