ସନଷ୍ଟାର ଟିଭି ବ୍ୟୁରୋ
ଉଦଳା :ଅବକାରୀ ବିଭାଗ ପଞ୍ଝାରେ ଧଳା ଜହର ବେପାରୀ। ଜଣେ ଧଳା ଜହର ବେପାରୀକୁ ଅବକାରୀ ବିଭାଗ ଗିରଫ କରିବା ସହିତ ତା ନିକଟରୁ ଲକ୍ଷାଧିକ ଟଙ୍କାର ବ୍ରାଉନ ସୁଗାର ଜବତ କରିଛି। ଖୁଣ୍ଟା ଅବକାରୀ ବିଭାଗ ଏବଂ ସ୍ପେସିଆଲ ସ୍କ୍ୱାଡ଼ ବିଶେଷସୂତ୍ରରୁ ଖବର ପାଇ ଉଦଳା ଥାନା ଅଧିନ ଯଇଦା ଗ୍ରାମରେ ଚଢ଼ାଉ କରିଥିଲେ। ଯଇଦା ଗ୍ରାମର ରଜତ କୁମାର କରଙ୍କ ଘରେ ଚଢ଼ାଉ କରିଥିବା ବେଳେ ରଜତଙ୍କ ନିକଟରୁ ଦଶ ଗ୍ରାମର ବ୍ରାଉନ ସୁଗାର ଜବତ କରିଛି ଅବକାରୀ ବିଭାଗ। ଦୀର୍ଘ ଦିନରୁ ରଜତ ଧଳା ଜହର କାରବାର କରୁଥିବା ନେଇ ଚର୍ଚ୍ଚା ଲାଗି ରହିଥିବା ବେଳେ ଅବକାରୀ ବିଭାଗ ତା ଉପରେ ନଜର ରଖିଥିଲା।ଶେଷରେ ଅବକାରୀ ବିଭାଗ ଏବଂ ବାରିପଦାର ସ୍ପେସିଆଲ ସ୍କ୍ୱାଡ଼ ଚଢ଼ାଉ କରି ତାଙ୍କ ନିକଟରୁ ବ୍ରାଉନ ସୁଗାର ଜବତ କରିଛି। ଏହା ସହିତ ଏହି ଧଳା ଜହର ସେ କେଉଁଠାରୁ ଆଣୁଥିଲା ଏବଂ କେଉଁଠି ବିକୁଥିଲା ସେ ନେଇ ରଜତକୁ ପଚରାଉଚରା କରୁଛି ଅବକାରୀ ବିଭାଗ। ଜବତ ବ୍ରାଉନ ସୁଗାରର ମୂଲ୍ୟ ଏକ ଲକ୍ଷରୁ ଅଧିକ ଟଙ୍କା ହେବ ବୋଲି ସୂଚନା ଦେଇଛି ଅବକାରୀ ବିଭାଗ। ତେବେ ତଦନ୍ତ ପରେ ହିଁ ଏହି ବ୍ରାଉନ ସୁଗାର ବେପାର ପଛରେ ଥିବା ରାକେଟର ପର୍ଦ୍ଦାଫାଶ ହୋଇପାରିବ।(ରିର୍ପୋଟ: ଆଲୋକ କୁମାର ବେହେରା)
