ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ସିଦ୍ଧାର୍ଥ ଶୁକ୍ଲାଙ୍କ ପାଇଁ ଶ୍ରଦ୍ଧାଞ୍ଜଳି ପୋଷ୍ଟ ସେୟାର କରିଛନ୍ତି ଶେହନାଜ ଗିଲ । ନିଜ ଟ୍ୱିଟର ଏବଂ ଇନଷ୍ଟାଗ୍ରମାରେ ସେ ପୋଷ୍ଟ ସେୟାର କରିଛନ୍ତି। ସେପ୍ଟେମ୍ବର ୨ରେ ସିଦ୍ଧାର୍ଥଙ୍କ ଦେହାନ୍ତ ପରେ ସେ ଏହା ପ୍ରଥମ ଥର ପାଇଁ ପୋଷ୍ଟ କରିଛନ୍ତି। ନିଜ ସୋସିଆଲ ମିଡିଆକୁ ଯାଇ ସେ ଏକ ପୋଷ୍ଟର ସେୟାର କରି ଲେଖିଛନ୍ତି, “ତୁ ମେରା ହୈ …” ବସ୍ ….. “ସିଦ୍ଧାର୍ଥ ଶୁକ୍ଲାଙ୍କୁ ମୋର ହୃଦୟରୁ ଶ୍ରଦ୍ଧାଞ୍ଜଳି” ଏହା ଉପରେ ଲେଖାଯାଇଛି । ଫଟୋରେ, ପ୍ରଶଂସକମାନଙ୍କ ଦ୍ୱାରା ‘ସିଡନାଜ୍’ ଭାବରେ ଜଣାଶୁଣା ଏହି ଯୋଡି ଏକତ୍ର ହୃଦୟରୁ ହସୁଥିବା ଦେଖିବାକୁ ମିଳୁଛି । ଆସନ୍ତାକାଲି (ଅକ୍ଟୋବର ୨୯) ଏକ ମ୍ୟୁଜିକ୍ ଭିଡିଓ ରିଲିଜ୍ କରିବେ ବୋଲି ସୂଚନା ଦିଆଯାଇଛି।
ନିକଟରେ ହିଁ ଶାହନାଜଙ୍କ ସହ ସିଦ୍ଧାର୍ଥଙ୍କ ଶେଷ ଗୀତର ନାମ ଥିଲା ‘ହାବିଟ’। ମ୍ୟୁଜିକ୍ ଭିଡିଓରେ ଅଭିନେତାଙ୍କ ଦେହାନ୍ତ ପୂର୍ବରୁ ସିଡନାଜ୍ ସୁଟିଂ କରିଥିବା ଅସମାପ୍ତ ଫୁଟେଜରୁ ଏଡିଟ୍ ହୋଇଥିବା ଭିଜୁଆଲ୍ ରହିଛି । ମୁଖ୍ୟତ ଏକ ସମୁଦ୍ର କୂଳରେ ସୁଟିଂ ହୋଇଥିବା ଏହି ଗୀତରେ ଶେହାନାଜଙ୍କ ଅତିରିକ୍ତ କ୍ଲିପ୍ସ ରହିଛି ଯେଉଁଥିରେ ସେ ସ୍ୱର୍ଗତ ଅଭିନେତାଙ୍କ ସହ ବିତାଇଥିବା ମୁହୂର୍ତ୍ତଗୁଡିକ ବିଷୟରେ ମନେ ପକାଉଥିଲେ।
ବିଗ୍ ବସ୍ ୧୩’ର ବିଜେତା ଭାବରେ ବାହାରିଥିବା ସିଦ୍ଧାର୍ଥଙ୍କର ୪୦ ବର୍ଷ ବୟସରେ ଦେହାନ୍ତ ହୋଇଥିଲା। ସେପ୍ଟେମ୍ବର ୨ରେ ହୃଦ୍ଘାତରେ ତାଙ୍କର ଦେହାନ୍ତ ହୋଇଥିଲା। ଚଳିତ ବର୍ଷ ଡିସେମ୍ବରରେ ସିଦ୍ଧାର୍ଥ ଏବଂ ଶେହନାଜ ବିବାହ ବନ୍ଧନରେ ବାନ୍ଧିବାକୁ ଯୋଜନା କରୁଥିବା ବେଳେ ସିଦ୍ଧାର୍ଥ ହଠାତ ଚାଲିଯିବା ଅତ୍ୟନ୍ତ ଦୁଃଖଦ କାହାଣୀ ହୋଇଥିଲା।
