ସନଷ୍ଟାର ଟିଭି ବ୍ୟୁରୋ
ରାହାମା: ତାଳଦଣ୍ଡା ମୁଖ୍ୟ କେନାଲ ରାହାମା ହାଟ ପୋଲ ନିକଟରେ ଏକ ଗଳିତ ମୃତ ଶରୀର ଠାବ କରାଯାଇଛି। ସ୍ଥାନୀୟ ବ୍ୟବସାୟୀ ସୁବାସ ସ୍ୱାଇଁ ତାଙ୍କ ଦୋକାନ ନିକଟ କେନାଲ ରୁ ଦୁର୍ଗନ୍ଧ ହେବାରୁ, କିଛି ଲୋକ ଲଗାଇ କେନାଲ ସଫା କରିବା ସମୟରେ ଗଳିତ ମୃତ ଶରୀର ଦେଖିବାକୁ ପାଇଥିଲେ। ସଂଗେସଂଗେ ତିର୍ତ୍ତୋଲ ଥାନାକୁ ଅବଗତ କରାଇଥିଲେ । ଥାନାଧିକାରୀ ଭାବଗ୍ରାହୀ ରାଉତ ଘଟଣା ସ୍ଥଳରେ ପହଞ୍ଚି ଶବକୁ କୂଳକୁ ଆଣିବାର ବ୍ୟବସ୍ଥା କରିଥିଲେ। ମୃତ ବ୍ୟକ୍ତି ଙ୍କ ପରିଚୟ ବିଶ୍ୱରଞ୍ଜନ ମହାନ୍ତି , ପିତା – ଜ୍ଞାନରଞ୍ଜନ ମହାନ୍ତି ବୋଲି ସୂଚନା ମିଳିଛି। ତାଙ୍କର ଘର କେନ୍ଦ୍ରାପଡ଼ା ଜିଲ୍ଲା ଇନ୍ଦାଳୋ ପୋଷ୍ଟ ଛକନା ରେ ବୋଲି ସୂଚନା ମିଳିଛି। ବିଶ୍ୱରଞ୍ଜନ ଗତ ୧୧ ତାରିଖରୁ ନିଖୋଜ ଥିଲେ। ଏ ନେଇ ତାଙ୍କ ସ୍ତ୍ରୀ ପ୍ରଜ୍ଞା ପରମିତା ମହାନ୍ତି ତିର୍ତ୍ତୋଲ ଥାନାରେ ଲିଖିତ ଅଭିଯୋଗ କରିଥିଲେ। ବିଶ୍ୱରଞ୍ଜନ ଏବଂ ପ୍ରଜ୍ଞା ମଣିଜଙ୍ଗା ରେ ଘର ଭଡା ନେଇ ରହୁଥିଲେ। ସେପଟେ ଜ୍ଞାନରଞ୍ଜନ ତାଙ୍କ ପୁଅକୁ ହତ୍ୟା କରାଯାଇଥିବାର ଅଭିଯୋଗ ଆଣିଛନ୍ତି । ପୋଲିସ ଏହି ଘଟଣାର ତଦନ୍ତ ଜାରି କରିଛି।(ରିର୍ପୋଟ: ନିଶାକର ଦାସ)
