ସନଷ୍ଟାର ଟିଭି ବ୍ୟୁରୋ
ରାଜନଗର :କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ଅନ୍ତର୍ଗତ ଚାନ୍ଦିବାଉଁଶମୂଳ ସମବାୟ ସମିତିର ସାଧାରଣ ସମ୍ପାଦକ “ଅଜାମ୍ବର ଦାସ” ଙ୍କ ଅକାଳ ବିୟୋଗରେ ସମବାୟ ସମିତିର ସମସ୍ତ ଚାଷୀ ମାନଙ୍କ ଦ୍ଵାରା ଏକ ଶୋକସଭା ଅନୁଷ୍ଠିତ ହୋଇଯାଇଛି । ସମବାୟ ସମିତିର ସମ୍ପାଦକ ଅଜାମ୍ବର ଦାସ କ୍ୟାନ୍ସର ରୋଗରେ ପୀଡ଼ିତ ହୋଇ ଚିକିତ୍ସାଧୀନ ଅବସ୍ଥାରେ ତାଙ୍କର ଚଳିତ ମାସ ୧୭ତାରିଖ ଦିନ ଅକାଳ ବିୟୋଗ ଘଟିଥିଲା। ଫଳରେ ସମଗ୍ର ସମବାୟ ସମିତିର ଚାଷୀଙ୍କ ମନରେ ଶୋକର ଛାୟା ଖେଳି ଯାଇଥିଲା। କାରଣ ସ୍ୱର୍ଗତ ଅଜାମ୍ବର ଦାସ ଜଣେ ପରୋପକାରୀ ଓ ସମସ୍ତ ଚାଷୀଙ୍କ ପାଇଁ ଏକ ଦରଦୀ ବନ୍ଧୁ ଥିଲେ। ତାଙ୍କର ଏହି ଅକାଳ ବିୟୋଗରେ ସମବାୟ ସମିତିର ଅନେକ ଚାଷୀ ଏକତ୍ରିତ ହୋଇ ଏକ ଶୋକସଭାର ଆୟଜନ କରିଥିଲେ ।
ଏହି ସ୍ମୃତିଚାରାଣ ସଭାରେ ଚାନ୍ଦିବାଉଁଶମୂଳ ଗ୍ରାମପଞ୍ଚାୟତ ର ସରପଞ୍ଚ ଶ୍ରୀମତୀ ପୁଷ୍ପଲତା ପ୍ରଧାନ ସମିତି ସଭ୍ୟ ଚିତରଞ୍ଜନ ପଣ୍ଡା, ଗଗନ ବଳ, ପ୍ରେମଲତା ରାଉଳ ମୋହନ କୁମାର ଦାସ ଯୋଗ ଦେବା ସହିତ ଅନେକ ଚାଷୀ ମଧ୍ୟ ଯୋଗ ଦେଇଥିଲେ । ଏବଂ ଏହି ଶୋକସଭାରେ ସମାଜସେବୀ ଜୟରାମ ରାଉତ ସହ ସମ୍ପାଦକ ଅଲେଖ ଚରଣ ବେହେରା ଓ ପ୍ରଭାତ କିଶୋର ରାଉତ ଙ୍କ ଉଦ୍ୟମ୍ ରେ ଉକ୍ତ ସଭାଟି ସମ୍ପାଦିତ ହୋଇଥିଲା ।(ରିର୍ପୋଟ:ଆରଏସ୍ ଏକେ)
