ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି: ଆଜି ଶୁଭ ଦଶହରା ଅବସରରେ ଚାନ୍ଦବାଲି ବ୍ଲକ ଅନ୍ତର୍ଗତ ଖେରଙ୍ଗ ଗ୍ରାମ ପଞ୍ଚାୟତର ନୂତନ କାର୍ଯ୍ୟାଳୟକୁ ଚାନ୍ଦବାଲି ବିଧାୟକ ଡ଼ଃ ବ୍ୟାମକେଶ ରାୟ ଉଦ୍ଘାଟନ କରିଛନ୍ତି। ଏଠାରେ ସୂଚନାଯୋଗ୍ୟ ଯେ ନବ ନିର୍ମିତ ଖେରଙ୍ଗ ଗ୍ରାମ ପଞ୍ଚାୟତର ନିଜସ୍ଵ କାର୍ଯ୍ୟାଳୟ ନ ଥିଲା । ପୂର୍ବପରି ନାଲଗୁଣ୍ଡା ପଂଚାୟତ କାର୍ଯ୍ୟାଳୟରେ ଏହାର କାର୍ଯ୍ୟକ୍ରମ ଚାଲୁଥିଲା । ଫଳରେ ଲୋକମାନେ ବହୁ ଅସୁବିଧାର ସମ୍ମୁଖୀନ ହେଉଥିଲେ। ଲୋକମାନଙ୍କ ସୁବିଧା ପାଇଁ ବିଧାୟକ ଡ଼ଃ ବ୍ୟାମକେଶ ରାୟ ଆଜି ନୂତନ ପଂଚାୟତ କାର୍ଯ୍ୟାଳୟର ଶୁଭ ଉଦ୍ଘାଟନ କରିଛନ୍ତି । ଅନ୍ୟ ମାନଙ୍କ ମଧ୍ୟରେ ଜିଲ୍ଲା ପରିଷଦ ଅଧ୍ୟକ୍ଷ ଦିଜବର ରାଉତ , ବ୍ଲକ ଅଧକ୍ଷାଙ୍କ ପ୍ରତିନିଧି ରଞ୍ଜନ ସାହୁ ,ଯୁବନେତା ପ୍ରିନ୍ସ ରକେଶ ନାୟକ , ଜିଲ୍ଲା ଉପସଭାପତି ପ୍ରତାପ ଚନ୍ଦ୍ର ଧଳ ,ନରେଶ ମାଝୀ ,ସରପଞ୍ଚ ଶ୍ରୀମତୀ ମଞ୍ଜୁଲତା ତରେଇ ଏବଂ ଖେରଙ୍ଗ ଗ୍ରାମପଞ୍ଚାୟତର ବହୁ ଛାମୁଆ ନେତା ଓ କର୍ମୀମାନେ ଏଠାରେ ଉପସ୍ଥିତ ଥିଲେ ।
( ରିପୋର୍ଟ -ପ୍ରଶାନ୍ତ କୁମାର ପାଣି)
