ସନଷ୍ଟାର ଟିଭି ବ୍ୟୁରୋ
ପୁରୀ: ବେଆଇନ ଭାବେ ବ୍ରାଉନ ସୁଗାର ବିକ୍ରି ଅଭିଯୋଗରେ ୫ଜଣ ଡ୍ରଗ୍ସ ବ୍ୟବସାୟୀ ଗିରଫ କରିଛି ପୁରୀ ପୋଲିସ । ପୁରୀର ଏସଟିଏଫ୍ ଟିମ ଏହି ଡ୍ରଗ୍ସ ବ୍ୟବସାୟୀ ମାନଙ୍କୁ ଗିରଫ କରିଛି। ଏଥିପାଇଁ ବଳିଆପଣ୍ଡା ଥାନାରେ ଏକ ମାମଲା ରୁଜୁ କରାଯାଇଛି। ଏଥିରେ ମୋଟ ୨୫୨ ଗ୍ରାମ ବ୍ରାଉନ ସୁଗାର ଜବତ କରାଯାଇଛି। ଜବତ ହୋଇଥିବା ବ୍ରାଉନ ସୁଗାରର ଆନୁମାନିକ ମୂଲ୍ୟ ୨୫ଲକ୍ଷ ଟଙ୍କା ହେବ ବୋଲି ସୂଚନାଦିଆଯାଇଛି। ଏଥିସହ ଗୋଟିଏ ବାଇକ, ଗୋଟିଏ ଇନୋଭା କାର,୧୧ଟା ମୋବାଇଲ ଫୋନ ଏବଂ ଦୁଇଟି ଡେବିଟ କାର୍ଡ ଜବତ କରିଚି ପୋଲିସ।
ସୂଚନାଅନୁଯାୟୀ ଅଭିଯୁକ୍ତ ମାନେ ବଳିଆପଣ୍ଡା ବାଇପାସ ରାସ୍ତାରେ ଗତକାଲି ଡ୍ରଗ୍ସ ବ୍ୟବସାୟ କରିବା ପାଇଁ ଯୋଜନା ପ୍ରସ୍ତୁତ କରୁଥିବା ବେଳେ ପୋଲିସ ଏହି ସମ୍ପର୍କରେ ଅବଗତ ହେଲାପରେ ପୋଲିସ ଓ ଏସଟିଫର ମିଳିତ ଚଢ଼ାଉ କରାଯାଇ ଅଭିଯୁକ୍ତକାରୀଙ୍କୁ ଗିରଫ କରାଯାଇଛି ।
