ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଫାଇଲ ଜବାବ ଦେବା ପରେ ବୁଧବାର ବଲିଉଡ ଅଭିନେତା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ ଆବେଦନର ଶୁଣାଣି କରିବାକୁ ମୁମ୍ବାଇ ଅଧିବେଶନ କୋର୍ଟ ସୂଚନା ଦେଇଛନ୍ତି।
ଡ୍ରଗ୍ସ ଅନ୍ କ୍ରୁଜ୍ ମାମଲାରେ ତାଙ୍କୁ ଗିରଫ କରାଯିବା ପରେ ଶୁକ୍ରବାର ମୁମ୍ବାଇ କୋର୍ଟ ତାଙ୍କୁ ଜାମିନ ନାମଞ୍ଜୁର କରିଛନ୍ତି। ମୁମ୍ବାଇ ମାଜିଷ୍ଟ୍ରେଟ କୋର୍ଟ ଗୁରୁବାର ଦିନ ଆର୍ଯ୍ୟନ ଏବଂ ଅନ୍ୟ ୭ ଜଣଙ୍କୁ ୧୪ ଦିନ ପାଇଁ ନ୍ୟାୟିକ ହେପାଜତକୁ ପଠାଇଛନ୍ତି।
ଅକ୍ଟୋବର ୨ ତାରିଖ ରାତିରେ ମଧ୍ୟଭାଗରେ ଗୋଆ ଅଭିମୁଖେ ଯାଉଥିବା କର୍ଡେଲିଆ କ୍ରୁଜ୍ ଜାହାଜରେ ଏକ ଏନସିବି ଟିମ୍ ଏକ ଡ୍ରଗ୍ସ ପାର୍ଟିକୁ ବଷ୍ଟ କରିଥିଲା। ଯେଉଁଥିରେ ପ୍ରସିଦ୍ଧ ବଲିଉଡ ହିରୋ ଶାହରୁଖ ଖାନଙ୍କର ପୁଅ ଆର୍ଯ୍ୟନ ଖାନଙ୍କୁ ଗିରଫ କରାଯାଇଥିଲା।
ଅକ୍ଟୋବର ୪ ରେ ମୁମ୍ବାଇର ଏସପ୍ଲାନେଡ୍ କୋର୍ଟରେ ଆର୍ଯ୍ୟନ୍ ଖାନ୍, ଅରବାଜ ସେଥ୍ ମର୍ଚାଣ୍ଟ, ମୁମୁନ୍ ଧାମଚା, ବିକ୍ରାନ୍ତ ଚୋକର, ଇସମିତ୍ ସିଂ, ନୁପୁର ସାରିକା, ଗୋମିତ ଚୋପ୍ରା ଏବଂ ମୋହକ ଜସୱାଲଙ୍କ ସମେତ ଆଠ ଜଣଙ୍କୁ ହାଜର କରାଯାଇଥିଲା ଯାହା ସେମାନଙ୍କୁ ଅକ୍ଟୋବର ୭ ପର୍ଯ୍ୟନ୍ତ ଏନସିବି ହେପାଜତକୁ ପଠାଇଥିଲା।
