ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: କିଟ୍ ଓ କିସ୍ ପ୍ରତିଷ୍ଠାତା ତଥା କନ୍ଧମାଳ ସାଂସଦ ଅଚ୍ୟୁତ ସାମନ୍ତଙ୍କୁ ଗୁଜୁରାଟ ପୋରବନ୍ଦରସ୍ଥିତ ଭାରତୀୟ ସାଂସ୍କୃତିକ ସମ୍ବର୍ଦ୍ଧକ ଟ୍ରଷ୍ଟ ପକ୍ଷରୁ ସନ୍ଦୀପନି ଗୌରବ ପ୍ରଦାନ ମହର୍ଷି ସମ୍ମାନ – ୨୦୨୦ କରାଯାଇଛି । ଟ୍ରଷ୍ଟର ରୌପ୍ୟ ଜୟନ୍ତୀ ପାଳନ ଅବସରରେ ରବିବାର ଏକ ବର୍ଣ୍ଣାତ୍ମ୍ୟ କାର୍ଯ୍ୟକ୍ରମରେ ଶ୍ରୀ ସାମନ୍ତଙ୍କୁ ସମ୍ମାନଜନକ ମହର୍ଷି ସମ୍ମାନ ପ୍ରଦାନ କରାଯାଇଥିଲା । ଗୁଜୁରାଟ ବିଧାନସଭାର ବାଚସ୍ପତି ନିମାବେନ ଆଚାର୍ଯ୍ୟ , ବହୁ ବୁଦ୍ଧିଜୀବୀ ସମ୍ମାନଓ ବିଶିଷ୍ଟ ସାଧୁସନ୍ଥଙ୍କ ଉପସ୍ଥିତିରେ ଏହି ସମ୍ମାନ ପ୍ରଦାନ କରାଯାଇଥିଲା । ଶ୍ରୀ ସାମନ୍ତଙ୍କ ଉତ୍ସର୍ଗୀକୃତ ସମାଜସେବା ଓ ଆଧ୍ୟାତ୍ମିକତା ପାଇଁ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି । ଶ୍ରୀ ସାମନ୍ତଙ୍କ ଅନୁପସ୍ଥିତିରେ ତାଙ୍କ ପ୍ରତିନିଧି ଏହି ସମ୍ମାନ ଗ୍ରହଣ କରିଥିଲେ ।
