ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ଡେଭିଡ୍ ଓ୍ଵାର୍ଣ୍ଣର ଖେଲ ଦୁନିଆର ଏକ ଜଣା ଶୁଣା ନାମ। କେବଳ ଏହା ନୁହେଁ ଆଇପିଏଲର ସବୁଠୁ ସଫଳ ବ୍ୟାଟସମ୍ୟାନଙ୍କ ମଧ୍ୟରୁ ଜଣେ । ଆଇପିଏଲରେ ସନରାଇଜର୍ସ ହାଇଦ୍ରାବାଦ ପାଇଁ ଖେଳନ୍ତି ଓ୍ଵାର୍ଣ୍ଣର। କିନ୍ତୁ ସନରାଇଜର୍ସ ହାଇଦ୍ରାବାଦ ଠାରୁ ନିଜକୁ ଦୂର କରିଛନ୍ତି ଏହି ଓପନିଂ ବ୍ୟାଟସମ୍ୟାନ ଡେଭିଡ୍ ଓ୍ଵାର୍ଣ୍ଣର। ମୁମ୍ବାଇ ବିପକ୍ଷ ମ୍ୟାଚ୍ରେ ଦଳରୁ ବାହାରିବା ପରେ ଓ୍ଵାର୍ଣ୍ଣର ଏହି ଭାବୁକ ପୋଷ୍ଟ କରିଛନ୍ତି। ଓ୍ଵାର୍ଣ୍ଣର ଏହି ସିଜିନର ଆରମ୍ଭରେ ଦଳର ଅଧିନାୟକ ଥିଲେ। ମାତ୍ର ଖରାପ ଫର୍ମ କାରଣରୁ ତାଙ୍କଠୁ ଅଧିନାୟକ ପଦ କାଢି ନିଆଯାଇଥଲା। ପରେ ଦଳରୁ ମଧ୍ୟ ବାଦ୍ ଦିଆଗଲା। ସେ ୨୦୧୬ରେ ଦଳକୁ ନିଜ ଦମ୍ରେ ଚାମ୍ପିଅନ କରାଇଥିଲେ। ହେଲେ ଚଳିତ ସିଜିନ୍ର ଦ୍ଵିତୀୟ ପର୍ଯ୍ୟାୟରେ ଓ୍ଵାର୍ଣ୍ଣରଙ୍କୁ ଖେଳିବାକୁ ସୁଯୋଗ ଦିଆଗଲା ନାହିଁ। ଏହା ପରେ ହାଇଦ୍ରାବାଦ ଛାଡିବାକୁ ସେ ନିଷ୍ପତ୍ତି ନେଇଛନ୍ତି ।
