ସନଷ୍ଟାର ଟିଭି ବ୍ୟୁରୋ
ଉଦଳା: ଗାଁ ରାସ୍ତାରେ ଜଣେ ମହିଳାଙ୍କୁ ଅନ୍ୟ ମହିଳାମାନେ ମାଡ ମାରିବା ସହିତ ଟଣାଓଟରା କରୁଛନ୍ତି । ତାହା ପୁଣି ପୋଲିସ୍ ଗାଡିରେ ବସିଥିବା ପୋଲିସ୍ ବାବୁଙ୍କ ସାମ୍ନାରେ । ଏଭଳି ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଏହି ଭିଡିଓଟି କପ୍ତିପଦା ଥାନା ଗୁଡୁଗୁଡିଆ ଗ୍ରାମର ଘଟଣା ବୋଲି ଜଣାଯାଇଛି । ଗ୍ରାମରେ ନିର୍ମାଣ ହେବାକୁ ଥିବା ଏକ ମନ୍ଦିରକୁ ନେଇ ବିବାଦ ଦେଖାଦେଇଥିଲା। ଯାହାକୁ ନେଇ ଗ୍ରାମର ଜଣେ ମହିଳା ଉକ୍ତ ମନ୍ଦିର କାମକୁ ବିରୋଧ କରିଥିବା ଗ୍ରାମବାସୀ ଶୁଣିବାକୁ ପାଇଥିଲେ। ଯାହାକୁ ନେଇ ବିବାଦ ତେଜିବାରେ ଲାଗିଥିଲା । ଏବଂ ଘଟଣା ବୁଝିବା ନିମନ୍ତେ ପୋଲିସ୍ ଗ୍ରାମକୁ ଯାଇଥିବା ବେଳେ ପୋଲିସ୍ ବାବୁଙ୍କ ସାମ୍ନାରେ ଉକ୍ତ ମହିଳାଙ୍କୁ ଗ୍ରାମର କିଛି ମହିଳା ଏକତ୍ରିତ ହୋଇ ଆକ୍ରମଣ କରିବା ସହିତ ମାଡ ମାରିଛନ୍ତି । ତତସହିତ ତାଙ୍କୁ ଟଣାଓଟରା ମଧ୍ୟ କରିଛନ୍ତି । ତେବେ ଏ ବାବଦରେ ମାଡର ଶିକାର ମହିଳାଙ୍କ ପ୍ରତିକ୍ରିୟା ମିଳି ପାରି ନାହିଁ ।( ରିର୍ପୋଟ:ଆଲୋକ କୁମାର ବେହେରା)
