ସନଷ୍ଟାର ଟିଭି ବ୍ୟୁରୋ
ପିପିଲି : ପିପିଲି ଉପନିର୍ବାଚନର ଫଳାଫଳ ପାଇଁ ଗତ କାଲିଠାରୁ ଭୋଟ ଗଣତି ଆରମ୍ଭ ହେବ। ଏନେଇ ସମସ୍ତ ପ୍ରସ୍ତୁତି ସରିଛି। ରବିବାର ଦିନ ସକାଳ ୮ଟାରୁ ଭୋଟ ଗଣତି ଆରମ୍ଭ କରାଯିବ। ମୋଟ ୩ଟି ହଲରେ କାଉଣ୍ଟିଙ୍ଗ ହେବାକୁ ଥିବା ବେଳେ ୨ଟି ହଲରେ ଇଭିଏମ ଏବଂ ଗୋଟିଏ ହଲରେ ପୋଷ୍ଟାଲ ବାଲଟ କାଉଣ୍ଟିଙ୍କ ହେବ। ତେବେ ସକାଳ ୮.୩୦ରେ ଇଭିଏମ କାଉଣ୍ଟିଙ୍ଗ କରାଯିବ ବୋଲି ମୁଖ୍ୟ ନିର୍ବାଚନ କମିଶନର ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। ଏଥିପାଇଁ ୩ଜଣ ଆଡିସନାଲ ଏଆରଓଙ୍କୁ ନିଯୁକ୍ତି କରାଯାଇଛି। ନିର୍ବାଚନ ଅବଜରଭରଙ୍କ ତତ୍ତ୍ବାବଧାନରେ ଏହି ଭୋଟ ଗଣତି କରାଯିବ। ସେନେଇ ନଜର ରଖାଯାଇଥିବା ବେଳେ ସମସ୍ତଙ୍କର ଥର୍ମାଲ ସ୍କ୍ରିନିଂ ହେବ । ପ୍ରତି ରାଉଣ୍ଡର ଫଳ ବଡ଼ ସ୍କ୍ରିନରେ ଡିସପ୍ଲେ ହେବ ବୋଲି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ସୂଚନା ଦେଇଛନ୍ତି ।
