ଭୋଟିଙ୍ଗ ପ୍ରକ୍ରିୟାରେ ବାଧକ ସାଜୁଛି ଇଭିଏମ୍

ସନଷ୍ଟାର ଟିଭି ବ୍ୟୁରୋ

ଭୁବନେଶ୍ୱର: ସକାଳ ୭ଘଟିକାରୁ ପିପିଲି ଉପନିର୍ବାଚନ  ପାଇଁ ଭୋଟିଙ୍ଗ  ଆରମ୍ଭ ହୋଇଯାଇଛି। କୋଭିଡ କଟକଣା ମଧ୍ୟରେ ଚାଲିଛି ଭୋଟଦାନ। କିନ୍ତୁ କେତେକ ମତଦାନ କେନ୍ଦ୍ରରେ ଇଭିଏମ ଅଚଳ ହୋଇ ପଡିଥିବାରୁ ଭୋଟର ମାନେ ଅସନ୍ତୋଷ ପ୍ରକାଶ କରୁଛନ୍ତି। ଲମ୍ବା ଲାଇନରେ ଛିଡା ହେବା ସତ୍ତ୍ବେ ଭୋଟିଙ୍ଗ ମେସିନ କାମ କରୁ ନାହିଁ।

ସୂଚନାଅନୁଯାୟୀ ନୂଆ ଦକ୍ଷିଣସାହିର ୨୦୩ ବୁଥ,୧୩୯-ଏ ବୁଥ ଏବଂ ୧୭୭ ବୁଥରେ ଇଭିଏମ ଅଚଳ ହୋଇ ପଡିଛି। ନିର୍ବାଚନ ମଣ୍ଡଳୀରେ ମୋଟ୍ ୩୪୮ଟି ବୁଥ ମଧ୍ୟରୁ ୨୦୧ଟି ବୁଥ ସମ୍ବେଦନଶୀଳ  ଭାବରେ ଚିହ୍ନଟ ହୋଇଥିବାରୁ ସୁରକ୍ଷାକୁ କଡ଼ାକଡ଼ି କରାଯାଇଛି । ତେଣୁ ଉପନିର୍ବାଚନ ସମୟରେ ଶାନ୍ତି ଶୃଙ୍ଖଳା ବଜାୟ ସହ ଅବାଧ ଓ ମୁକ୍ତ ନିର୍ବାଚନ ନିମନ୍ତେ ତିନି କମ୍ପାନୀ ବିଏସ୍‌ଏଫ୍ ଙ୍କ ସହ ପ୍ରାୟ ୨୦୦୦ ପୁଲିସ୍ କର୍ମଚାରୀଙ୍କୁ ନିୟୋଜିତ କରାଯାଇଛି ।