ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ଓଡ଼ିଆ ସାମ୍ବାଦିକ ଜଗତରେ ଜଣେ ଜଣାଶୁଣା ଚେହେରା ଥିଲେ ଅରିନ୍ଦମ ଦାସ । ଯିଏ କାମକୁ ଚ୍ୟାଲେଞ୍ଜ ଭାବେ ଗ୍ରହଣ କରୁଥିଲେ । ବାତ୍ୟା, ବନ୍ୟା ହେଉକି ମାଓବାଦୀଙ୍କ କ୍ୟାମ୍ପ ସବୁବେଳେ ରିସ୍କ୍ ନେଇ ଗ୍ରାଉଣ୍ଡଜିରୋରେ କାର୍ଯ୍ୟ କରୁଥିଲେ । ସବୁ କ୍ଷେତ୍ରରେ ଦକ୍ଷତା ରଖିଥିବା ଦୁଃସାହସି ସାମ୍ବାଦିକ ତଥା ଓଟିଭିର ଚିଫ୍ ରିପୋର୍ଟର ଅରିନ୍ଦମ ଦାସ ଆଉ ନାହାନ୍ତି। ଅପରେସନ ଗଜରାଜ ସମୟରେ ଓଡ଼୍ରାଫ ବୋଟ ଦୁର୍ଘଟଣାରେ ନିଜର ଜୀବନ ଉତ୍ସର୍ଗ କରିଥିବା ଗଣମାଧ୍ୟମ ପ୍ରତିନିଧି ତଥା ବରିଷ୍ଠ ସାମ୍ବାଦିକ ଅରିନ୍ଦମ ଦାସଙ୍କ ଅକାଳ ବିୟୋଗ ରେ ବିଭିନ୍ନ ମହଲରେ ଶୋକ ର ବାତାବରଣ ସୃଷ୍ଟି ହୋଇଛି। ଜଣେ ଯୁବସାମ୍ବାଦିକ ଭାବରେ ତାଙ୍କ ଭିତରେ ଥିବା ଯୋଶ ପାଇଁ ସେ ବିଭିନ୍ନ ଚ୍ୟାଲେଞ୍ଜ କୁ ସମ୍ମୁଖୀନକରି ପାରୁଥିଲେ। ସେହି ଯୋଶ ପାଇଁ ଏଭଳି ଅଘଟଣ ଘଟିବ କିଏ ଭାବିଥିଲା ? ଅକାଳରେ ଅଦିନରେ ସେ ଆଖିବୁଝିଛନ୍ତି ।
ଓଡ଼ିଶାର ସାମ୍ବାଦିକତା ଜଗତ ପାଇଁ ଏହା ଏକ ଅପୂରଣୀୟ କ୍ଷତି। ପ୍ରତିକୂଳ ପରିସ୍ଥିତିର ସାହସୀ ସାମ୍ବାଦିକ ଅରିନ୍ଦମ ଦାସ୍ ଙ୍କୁ ଉତ୍କଳ ବିଶ୍ଵବିଦ୍ୟାଳୟ ସାମ୍ବାଦିକ ଓ ଗଣଯୋଗାଯୋଗ ବିଭାଗ ଦ୍ବାରା ତାଙ୍କ ଅମର ଆତ୍ମାର ସଦଗତି କାମନା କରିବା ସହ ବିନମ୍ର ଶ୍ରଦ୍ଧାଞ୍ଜଳି ଅର୍ପଣ କରାଯାଇଛି । ଏହି ଶ୍ରଦ୍ଧାଞ୍ଜଳି ସଭା ରେ ସାମ୍ବାଦିକ ଓ ଗଣ ଯୋଗାଯୋଗ ବିଭାଗର ପୁରାତନ ଓ ବର୍ତ୍ତମାନର ଛାତ୍ର ଛାତ୍ରୀ ଙ୍କ ସହ ବିଭାଗ ର ଅଧ୍ୟାପକ ଓ ଅଧ୍ୟାପିକା ସ୍ୱର୍ଗତ ଅରିନ୍ଦମ ଦାସ୍ ଙ୍କ ସ୍ମୃତି ଚାରଣ କରିଥିଲେ । ଉତ୍କଳ ବିଶ୍ଵବିଦ୍ୟାଳୟର ଅହିଂସା ସ୍ଥଳ ଠାରେ ସ୍ବର୍ଗତ ଅରିନ୍ଦମ ଦାସ ଙ୍କ ଅମର ଆତ୍ମାର ସଦ୍ଗତି ନିମନ୍ତେ ନୀରବ ପ୍ରାର୍ଥନା କରିବାସହ ମହମବତୀ ପ୍ରଜ୍ୟୋଳନ କରାଯାଇଥିଲା ।
