ସନଷ୍ଟାର ଟିଭି ବ୍ୟୁରୋ
ପୁରୀ : ପୁରୀ ମନ୍ଦିର ପାଇଁ ଆସିଛି ନୂଆ ଏସଓପି। ଆସନ୍ତା ତିନି ଦିନ ପାଇଁ ବନ୍ଦ ରହିବ ପୂରୀ ମନ୍ଦିର। ଆସିଥିବା ନୂଆ ଏସଓପି ଜରିଆରେ ଶନିବାର ମନ୍ଦିର ଖୋଲା ରହିବ ଏବଂ ରବିବାର ବନ୍ଦ ରହିବ। ତେବେ ଆଜି ଗଣେଶ ପୂଜା ଥିବାରୁ ସର୍ବସାଧାରଣ ଦର୍ଶନ ଆଜି ବନ୍ଦ ରହିଛି। ଆସନ୍ତା ୧୩ ତାରିଖ ଠାରୁ ନୂତନ ଗାଇଡଲାଇନ ଜାରି କରାଯିବ। ଏହି କାରଣ ରୁ ଆଜି ଠାରୁ ଆରମ୍ଭ କରି ରବିବାର ପର୍ଯ୍ୟନ୍ତ ପୁରୀ ମନ୍ଦିର ବନ୍ଦ ରହିବ। ଶ୍ରଦ୍ଧାଳୁ ମାନେ ସୋମବାର ଠାରୁ ଶ୍ରୀ ଜିଉଙ୍କୁ ଦର୍ଶନ କରିପାରିବେ। ସେହିପରି ନୂଆ ଏସ୍ଓପି ଅନୁଯାୟୀ ୧୩ ତାରିଖ ସୋମବାରଠାରୁ ପ୍ରତ୍ୟହ ସକାଳ ୭ରୁ ରାତି ୯ଟା ପର୍ଯ୍ୟନ୍ତ ସର୍ବସାଧାରଣ ଦର୍ଶନ କରିହେବ। ମାତ୍ର ସ୍ବତନ୍ତ୍ର ପର୍ବପର୍ବାଣିରେ ଅତ୍ୟଧିକ ଗହଳି ସମ୍ଭାବନା ଏବଂ କୋଭିଡ୍ ସଂକ୍ରମଣ ଆଶଙ୍କାରେ ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ମିଳିଛି।
