୩୦ ଲକ୍ଷ ଟଙ୍କାର ବ୍ରାଉନ ସୁଗାର ଜବତ

     ସନଷ୍ଟାର ଟିଭି ବ୍ୟୁରୋ

ଜଳେଶ୍ବର :ଜଳେଶ୍ବରରେ ପୁଣି ବ୍ରାଉନ ସୁଗାର ଜବତ । ଦିନକୁ ଦିନ ଜଳେଶ୍ବର ସହରରେ ଧଳା ଜହର ର ପ୍ରାଦୁର୍ଭାବ ବଢ଼ି ଚାଲି ଥିବାବେଳେ ଏହାକୁ ରୋକ ଦେବା ପାଇଁ  STF, ଅବକାରୀ, ପୋଲିସ ଉଦ୍ୟମ ଚଳାଇଛନ୍ତି। ହେଲେ ଏଥିରେ ରୋକ ଲାଗି ପାରୁ ନାହିଁ । ଆଜି ସକାଳ ୫ ଘଟିକା ସମୟରେ  ଜଳେଶ୍ବର ପୋଲିସ ପକ୍ଷରୁ ଏକ ୧୦ ଜଣିଆ ଟିମ ରାଜପୁର ବସ୍ତି ରେ ଚଢ଼ାଉ କରି ଆନୁମାନିକ ୩୦୦ ଗ୍ରାମର ଧଳା ଜହର ଜବତ କରିଛି। ଜବତ ଧଳା ଜହର ର ଆନୁମାନିକ ମୂଲ୍ୟ ୩୦ ଲକ୍ଷ ଟଙ୍କା ହେବ ବୋଲି ଜଣା ପଡ଼ିଛି। ଏହି ଚଢ଼ାଉ ରେ ଜଳେଶ୍ବର ଆଇଆଇସି  ପ୍ରଜ୍ଞାମହାନ୍ତି, ଏସଡିପିଓ  ଅଙ୍କିତା କୁମ୍ଭାର, ଏସଆଇ  ଭୁବନ ମୋହନ ସେଠୀଙ୍କ ସହିତ ପଦସ୍ଥ ଅଫିସରେ ଉପସ୍ଥିତ ଥିଲେ। ବାଲେଶ୍ୱର ଜିଲ୍ଲା ଜଳେଶ୍ବର ସହର ଧଳା ଜହର ର ପେଣ୍ଠ ସ୍ଥଳୀ ପାଳିଟି ଯାଇଛି। ଅବକାରୀ ବିଭାଗ ,STF ଓ ପୋଲିସ ବାରମ୍ବାର ଚଢ଼ାଉ  କରିବାରୁ  ସେମାନଙ୍କୁ ଚକ୍ଷ୍ମା ଦେବା ପାଇଁ ଧଳା ଜହର ବେପାରୀ ମାନେ  ନୂଆ ନୂଆ ପନ୍ଥା ଆପଣାଉଛନ୍ତି। ଗତ ୨୨ ଦିନ ମଧ୍ୟରେ ଜଳେଶ୍ବର ରୁ ୨.୫ କେଜି  ଧଳା ଜହରଜବତ କରାଯାଇଛି।