ସନଷ୍ଟାର ଟିଭି ବ୍ୟୁରୋ
ପୁରୀ : ଆସିଲା ନୂଆ ଏସଓପି। ଏଣିକି ଭକ୍ତ ମାନେ ଶନିକାରରେ ମଧ୍ୟ ଜଗା ଦର୍ଶନ କରିପାରିବେ। ଏଥର ଶନିବାର ଖୋଲାରହିବ ସିଂହଦ୍ବାର। ଏହାସହ ଶ୍ରୀଜିଉଙ୍କୁ ଦେଖା କରିବା ପାଇଁ ଲୋକ ମାନଙ୍କୁ ମିଳିବ ଅଧିକ ସମୟ। ସକାଳ ୭ତାରୁ ରାତି ୯ଟା ଯାଏଁ ମିଳିବ ଦର୍ଶନ କରିବେ ଭକ୍ତ। ତେବେ ମନ୍ଦିର ପରିସରକୁ ସାନିଟାଇଜ କରିବା ପାଇଁ କେବଳ ରବିବାର ଦିନ ମନ୍ଦିର ବନ୍ଦ ରହିବ। ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି। ସପ୍ତାହାନ୍ତ ସଟ୍ଡାଉନ୍ ଯୋଗୁ ଶନିବାର ଓ ରବିବାର ଦର୍ଶନ ବନ୍ଦ ରହୁଥିଲା। ଏବେ ସେପ୍ଟେମ୍ବର ଗାଇଡ୍ଲାଇନ୍ରେ ସପ୍ତାହାନ୍ତ ସଟ୍ଡାଉନ୍ ହଟିବା ପରେ ଶନିବାର ଭକ୍ତଙ୍କୁ ଦର୍ଶନ କରିବାକୁ ଅନୁମତି ମିଳିବ।
