ସନଷ୍ଟାର ଟିଭି ବ୍ୟୁରୋ
କୋରାପୁଟ: ଜୟପୁର ସଦର ଥାନା ପୁଲିସ ୧କୋଟି ୫ଲକ୍ଷ ଟଙ୍କାର ଗଞ୍ଜେଇ ଜବତ କରିବା ସହ ୩ଜଣକୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ମାଛକୁଣ୍ଡ ଥାନା ଜଲାପୁଟର ବସ୍ ମାଲିକ ସୁରେଶ କୁମାର ବେନ୍ୟା, ମାଛକୁଣ୍ଡ ଥାନା କଣ୍ଟା ଗ୍ରାମର ସୁବାସ ଚନ୍ଦ ଓ ଜଲାପୁଟର ଏସ୍ ଭେଙ୍କେଟେଶ୍ ସ୍ୱାମୀ। ଏନେଇ ଜୟପୁର ଏସଡିପିଓ ଅନୂପ ଅଭିଷେକ ବେହେରା ସୂଚନା ଦେଇଛନ୍ତି।
ମିଳିଥିବା ସୂଚନା ମୁତାବକ ପୂର୍ବରୁ ସୂଚନା ପାଇଥିଲା ଯେ ଲମତାପୁଟ ଆଡୁ ଜୟପୁରକୁ ଯାଉଥିବା ଏକ ଏଇସର୍ ଟ୍ରକରେ ଚୋରା ଗଞ୍ଜେଇ ଚାଲାଣ ହେଉଛି। ପରେ ପୁଲିସ ଡେରାବସାଇ ଜଗି ରହିଥଲା। ଟ୍ରକ୍ ପହଞ୍ଚିବା ପରେ ଯାଞ୍ଚ କରି ସେଥିରୁ ୧୦୦୮ କିଲୋଗ୍ରାମ୍ ଗଞ୍ଜେଇ ଜବତ କରିଥିଲେ। ଘଟଣାସ୍ଥଳରୁ ପୁଲିସ୍ ଜଣକୁ ଗିରଫ କରିଥିବାବେଳେ ପରେ ଅନ୍ୟ ୨ଜଣଙ୍କୁ ଗିରଫ କରବାରେ ସଫଳ ହୋଇଥିଲା।
