ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ରାଜ୍ୟରେ କରୋନା ସ୍ଥିତିରେ ସୁଧାର ଆସିବା ପରେ ରାଜ୍ୟ ସରକାର ଲକଡାଉନ ପ୍ରକ୍ରିୟା ପରିବର୍ତ୍ତନ ଆଣିଛନ୍ତି। ଏହା ପରେ ଜିଲ୍ଲାରେ କରୋନା ସଙ୍କ୍ରମିତକୁ ଦୃଷ୍ଟିରେ ରଖି କ୍ୟାଟେଗୋରୀ-ଏ ଏବଂ କ୍ୟାଟେଗୋରୀ-ବି ରେ ଭାଗ କରିଛନ୍ତି। କ୍ୟାଟେଗୋରୀ-ଏ ଜିଲ୍ଲାରେ ଥିବା ରୁଟରେ ବସିବା କ୍ଷମତା ସହ ବସ ଚାଲିବ। ଆଜି ଠାରୁ ୪୩ଟି ରୁଟରେ ଓଡ଼ିଶା ରାଜ୍ୟ ସଡ଼କ ପରିବହନ ନିଗମ (ଓଏସଆରଟିସି) ବସ ଚଳାଚଳ କରିବ। ବସଗୁଡ଼ିକ ଓଏସଆରଟିସିର ୧୬ଟି ଡିପୋରୁ ଚଳାଚଳ କରିବ ବୋଲି ଓଏସଆରଟିସି ପକ୍ଷରୁ ଟ୍ୱିଟ କରି ସୂଚନା ଦିଆଯାଇଛି। ବସରେ କୋଭିଡ ନିୟମକୁ କଡ଼ାକଡ଼ି ପାଳନ କରାଯିବ। କେବଳ ବସିବା କ୍ଷମତା ଅନୁସାରେ ଯାତ୍ରୀମାନଙ୍କୁ ଯାତ୍ରା କରିବାକୁ ଅନୁମତି ଦିଆଯିବ। ସେହିପରି କୌଣସି ଯାତ୍ରୀଙ୍କୁ ଛିଡ଼ା ହୋଇ ଯାତ୍ରା କରିବାକୁ ଅନୁମତି ଦିଆଯିବ ନାହିଁ। ମାସ୍କ ପିନ୍ଧିନଥିବା ଯାତ୍ରୀମାନେ ବସରେ ଯାତ୍ରା କରିପାରିବେ ନାହିଁ।
