ରାଜ୍ୟର ସବୁ ଜିଲ୍ଲାରେ ଶହେ ପାର୍ ହେଲା ପେଟ୍ରୋଲ୍ ଦର, ମାଲକାନଗିରିରେ ସର୍ବାଧିକ

ସନଷ୍ଟାର ଟିଭି ବ୍ୟୁରୋ

ଭୁବନେଶ୍ୱର: ରାଜ୍ୟରେ ପେଟ୍ରୋଲ ଓ ଡିଜେଲ ଦର ମହଙ୍ଗା ହେବାରେ ଲାଗିଛି । ଆଜି ପୁଣିଥରେ ପେଟ୍ରୋଲ୍ ଦର ବଢ଼ିଛି । ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ପେଟ୍ରୋଲ ଲିଟର ପିଛା ୩୫ ପଇସା ମହଙ୍ଗା ହୋଇଛି । ଦିଲ୍ଲୀରେ ପେଟ୍ରୋଲ ଲିଟର ପିଛା ୯୯ ଟଙ୍କା ୮୬ ପଇସା ହୋଇଛି ।

ତେବେ ଓଡିଶାରେ ମଧ୍ୟ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇବାରେ ଲାଗିଛି । ରାଜ୍ୟର ସମସ୍ତ ଜିଲ୍ଲାରେ ପେଟ୍ରୋଲ ୧୦୦ ଉପରେ ରହିଥିବା ବେଳେ  6 ଟି ଜିଲ୍ଲାରେ ଡିଜେଲ୍ ଦର ଲିଟର ପ୍ରତି ୧୦୦ ରହିଛି । ମାଲକାନଗିରି ଜିଲ୍ଲାରେ ପେଟ୍ରୋଲ ଦର ସର୍ବାଧିକ ରହିଛି । ଏଠାରେ ଲିଟର ପିଛା ଦର ୧୦୫ ଟଙ୍କା ୩୭ ପଇସା ରହିଛି । ଏହାପଛକୁ କୋରାପୁଟରେ ମଧ୍ୟ ପେଟ୍ରୋଲ ଦର ଲିଟର ପିଛା ୧୦୫ ଟଙ୍କା ୨୭ ପଇସା ରହିଛି ।