ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଇନ୍ଦିରା ଗାନ୍ଧୀ ନ୍ୟାସନାଲ୍ ଓପନ୍ ୟୁନିଭର୍ସିଟି (IGNOU) ରେ ଜୁଲାଇ ସିଜିନ୍ ପାଇଁ ନାମ ଲେଖା ପ୍ରକ୍ରିୟା ଆରମ୍ଭ ହୋଇଯାଇଛି । ବିଭିନ୍ନ କାରଣରୁ ଅଧାରୁ ପଢ଼ା ଛାଡ଼ିଥିବା କିମ୍ବା ଯେ କୌଣସି କାରଣରୁ ଉଚ୍ଚ ଶିକ୍ଷା ପାଇବାରୁ ବଞ୍ଚିତ ହୋଇଥିବା ଯେକୌଣସି ବୟସର ବ୍ୟକ୍ତିବିଶେଷ ପୁଣି ଥରେ ଉଚ୍ଚ ଶିକ୍ଷା ହାସଲ କରିବା ପାଇଁ ଆଶାୟୀ ପ୍ରାର୍ଥୀ ନିଜ ନାମ ରେଜିଷ୍ଟ୍ରେସନ କରିପାରିବେ । ପ୍ରାୟ ୨୦୦ ରୁ ଅଧିକ ବିଭାଗରେ ନାମ ଲେଖା IGNOU ଚାଲୁ ରଖିଛି ।
ତେବେ ଅଣ୍ଡର ଗ୍ରାଜୁଏଟ୍ ଏବଂ ପିଜି ଡିପ୍ଲୋମା ପ୍ରୋଗ୍ରାମରେ ନାମ ପଞ୍ଜୀକରଣ କରିବାକୁ ଚାହୁଥିବା ଏସ୍ସି/ଏସ୍ଟି ଛାତ୍ରଛାତ୍ରୀଙ୍କ ପାଇଁ ନାମଲେଖା ଦେୟ ଏବଂ ପୁନଃ ପଞ୍ଜୀକରଣ ଦେୟ ଛାଡ଼ କରାଯାଇଛି ।
ଆବେଦନର ଶେଷ ତାରିଖ ଜୁଲାଇ ୧୫ ରହିଛି । ଆଶାୟୀ ଛାତ୍ରଛାତ୍ରୀ IGNOU ୱେବସାଇଟ୍ www.ignou.ac.in ରୁ ସମସ୍ତ ବିବରଣୀ ପାଇପାରିବେ ।
