ସନଷ୍ଟାର ଟିଭି ବ୍ୟୁରୋ
ପୁରୀ: ଗତକାଲି ବିଳମ୍ବିତ ରାତ୍ରିରେ ଘଟିଛି ଭୟାବହ ଅଗ୍ନିକାଣ୍ଡ। ପୁରୀ ଜିଲ୍ଲା ଅନ୍ତର୍ଗତ ନୂଆହାଟ ଯୋଗେଶ୍ୱରପୁର ବଜାରରେ ଥିବା ଦୁଇଟି ଦୋକାନରେ ନିଆଁ ଲାଗି ଲକ୍ଷାଧିକ ଟଙ୍କାର ଜିନିଷ ପୋଡି ନଷ୍ଟ ହୋଇଯାଇଛି l ଘଟଣାସ୍ଥଳରେ ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ମିଳିଥିବା ସୂଚନା ଅନୁସାରେ, ଗତକାଲି ମଧ୍ୟରାତ୍ରୀରେ ଯୋଗେଶ୍ୱର ବଜାରରେ ସାନଉଲ୍ଲା ଖାଁଙ୍କ ଚୁଡ଼ି ଓ ଚପଲ ଦୋକାନ ଏବଂ ପ୍ରଦୀପ୍ତ ନାୟକଙ୍କ ଷ୍ଟେସନାରୀ ଦୋକାନରେ ଅଗ୍ନିକାଣ୍ଡ ଘଟିଛି। ଦୋକାନ ବନ୍ଦ କରି ଘରକୁ ଯିବା ପରେ ରାତ୍ରୀ ୧ଘଟିକାରେ ତାଙ୍କ ଦୋକାନରେ ନିଆଁ ଲାଗିଯାଇଥିବା ଖବର ପାଇ ଘଟଣାସ୍ଥଳରେ ପହଞ୍ଚିଲା ବେଳକୁ ଦୋକାନ ହୁ ହୁ ହୋଇ ଜଳୁଥିଲା ନିଆଁ । ଖବରପାଇ କାକଟପୁର ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ହେଲେ ସେତେବେଳକୁ ଦୁଇଟି ଦୋକାନ ସମ୍ପୁଣ୍ନ ଭାବେ ଭସ୍ମୀଭୁତ ହୋଇସାରିଥିଲା। ଫଳରେ ଲକ୍ଷ ଲକ୍ଷ ଟଙ୍କାର ଜିନିଷପତ୍ର ସବୁ ପୋଡିଜଳି ନଷ୍ଟ ହୋଇଯାଇଛି। ନିଆଁ ଲାଗିବାର କାରଣ ଏ ଯାଏଁ ସ୍ପଷ୍ଟ ହୋଇନଥିବା ବେଳେ କୌଣସି ଦୁର୍ବୃତ୍ତ ଦୋକାନରେ ନିଆଁ ଲଗାଇଥିବା ଅନୁମାନ କରାଯାଉଛି। ଘଟଣା ସ୍ଥଳରେ ନୂଆହାଟ ଫାଣ୍ଡୀ ଅଧିକାରୀ ପହଁଚି ଅଧିକ ତଦନ୍ତ ଚଳାଇଛନ୍ତି l
