ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ରାଜ୍ୟରେ ଗତକାଲି ଆପେକ୍ଷା ଆଜି ସଂକ୍ରମଣ ସଂଖ୍ୟା କମ୍ ରହିଛି । ଗତ 24 ଘଣ୍ଟା ଭିତରେ ରାଜ୍ୟରୁ ଆଉ 2917 ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଚିହ୍ନଟ ହୋଇଥିବା ସଂକ୍ରମିତଙ୍କ ମଧ୍ୟରୁ 1677 କ୍ଵାରେଣ୍ଟାଇନ୍ ସେଣ୍ଟରରୁ ଚିହ୍ନଟ ହୋଇଥିବା ବେଳେ 1240 ଜଣ ସ୍ଥାନୀୟ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା 9ଲକ୍ଷ 19 ହଜାର 026 କୁ ବୃଦ୍ଧି ପାଇଛି । ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ଵିଟ୍ ଯୋଗେ ସୂଚନା ଦିଆଯାଇଛି ।
ତେବେ ଆଠଟି ଜିଲ୍ଲାରେ ସଂକ୍ରମଣ ସଂଖ୍ୟା 100 ଉପରେ ରହିଛି । ଅନ୍ୟ ଜିଲ୍ଲା ତୁଳନାରେ ଆଜି ସର୍ବାଧିକ ଖୋର୍ଦ୍ଧା ଜିଲ୍ଲାରୁ ପଜିଟିଭ୍ ଚିହ୍ନଟ ହୋଇଛନ୍ତି । ଖୋର୍ଦ୍ଧା ଜିଲ୍ଲାରୁ 549 ଜଣ ଚିହ୍ନଟ ହୋଇଥିବା କଟକରୁ 422 ଜଣ ଚିହ୍ନଟ ହୋଇଛନ୍ତି । ସେହିପରି ଅନୁଗୁଳରୁ 86 ଜଣ, ବାଲେଶ୍ବରରୁ 237 ଜଣ, ବରଗଡରୁ 22 ଜଣ, ଭଦ୍ରକରୁ 163 ଜଣ, ବଲାଙ୍ଗିରରୁ 7 ଜଣ, ବୌଦ୍ଧରୁ 19, ଦେବଗଡରୁ 5, ଢେଙ୍କାନାଳରୁ 77, ଜଗତସିଂହପୁରରୁ 119 ଜଣ, ଯାଜପୁରରୁ 218 ଜଣ, ଝାରସୁଗୁଡାରୁ 8, କଳାହାଣ୍ଡିରୁ 21 ଜଣ, କନ୍ଧମାଳରୁ 13 ଜଣ, କେନ୍ଦ୍ରାପଡାରୁ 79ଜଣ,କେନ୍ଦୁଝରରୁ 75ଜଣ, କୋରାପୁଟରୁ 55 ଜଣ, ମାଲକାନଗିରିରୁ 59 ଜଣ, ମୟୁରଭଞ୍ଜରୁ 165 ଜଣ, ନବରଙ୍ଗପୁରରୁ 19 ଜଣ, ନୟାଗଡରୁ 96 ଜଣ, ନୂଆପଡାରୁ 8,ପୁରୀରୁ 132, ରାୟଗଡାରୁ 53 ଜଣ, ସମ୍ବଲପୁରରୁ 22 ଜଣ, ସୋନପୁରରୁ 12 ଜଣ, ସୁନ୍ଦରଗଡରୁ 48 ଜଣ ଏବଂ ଷ୍ଟେଟ୍ ପୁଲରୁ 101 ଜଣ ପଜିଟିଭ୍ ବାହାରିଛନ୍ତି ।
