ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ରାଜ୍ୟରେ ଟିକାର ଅଭାବ ଦୂର ହୋଇଛି । ଆଜି ରାଜ୍ୟକୁ ଆଉ ୯ ଲକ୍ଷ ୪୩ ହଜାର ୯୩୦ କୋଭିସିଲ୍ଡ ଟିକା ଆସିଛି । ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି । ଗତକାଲି ମଧ୍ୟ ୧ ଲକ୍ଷ କରୋନା ଭ୍ୟାକସିନ୍ କୋଭିସିଲ୍ଡ ଭୁବନେଶ୍ୱର ଆସିଥିଲା ।
ତେବେ ଗତ ଦୁଇ ଦିନ ହେବ ଟିକା ଅଭାବରେ ପ୍ରାୟ ୧୬ଟି ଜିଲ୍ଲାରେ ଟୀକାକରଣ କାର୍ଯ୍ୟକ୍ରମ ବେଶ୍ ବାଧାପ୍ରାପ୍ତ ହୋଇଥିଲା । ଅନେକ ଲୋକ ଏବେ ଟିକା ନପାଇ ନିରାଶ ହୋଇ ଫେରୁଥିଲେ । ବାଲେଶ୍ବର, ବରଗଡ଼, ଭଦ୍ରକ, ଦେବଗଡ଼, ଢେଙ୍କାନାଳ, ଗଞ୍ଜାମ, ଯାଜପୁର, ଝାରସୁଗୁଡ଼ା, କନ୍ଧମାଳ, କେନ୍ଦ୍ରାପଡ଼ା, କୋରାପୁଟ, ନବରଙ୍ଗପୁର, ସୁବର୍ଣ୍ଣପୁର, ସୁନ୍ଦରଗଡ଼ରେ ଟୀକାକରଣ ବନ୍ଦ ରହିଛି । ତେବେ ଟିକା ଆସିବା ପରେ ପୁଣି ସବୁ ଜିଲ୍ଲାରେ ଟିକାକରଣ କାର୍ଯ୍ୟକ୍ରମ ଆରମ୍ଭ ହେବ ।
