ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ବିଶ୍ବର ସବୁଠୁ ଶସ୍ତା ଆଣ୍ଡ୍ରୋଏଡ୍ ମୋବାଇଲ ଆଜି ଭାରତରେ ଲଞ୍ଚ ହୋଇଛି । ରିଲାଏନ୍ସ ଇଣ୍ଡଷ୍ଟ୍ରିଜ୍ ର ୪୪ ତମ ଆନୁଆଲ୍ ଜେନେରାଲ୍ ମିଟିଂରେ ଏନେଇ ରିଲାଏନ୍ସ କମ୍ପାନୀର ସିଇଓ ମୁକେଶ୍ ଅମ୍ବାନୀ ଏନେଇ ଘୋଷଣା କରିଛନ୍ତି । ଗୁଗୁଲ୍ ସହଭାଗିତାରେ ପ୍ରସ୍ତୁତ ଏହି ମୋବାଇଲର ନାମ JioPhone NEXT ରଖାଯାଇଛି । ଏହାକୁ ଲଞ୍ଚ କରିବା ସମୟରେ ମୁକେଶ ଅମ୍ବାନୀ କହିଛନ୍ତି, ଜିଓ ହେଉଛି ବିଶ୍ୱର ସବୁଠାରୁ ଶସ୍ତା 4G ସେବା।
JioPhone NEXT ହେଉଛି ଏକ ଫିଚର ସ୍ମାର୍ଟଫୋନ୍ । ଯେଉଁଥିରେ ଗୁଗୁଲ୍ ଏବଂ ଜିଓର ଆପ୍ଲିକେସନ୍ ଗୁଡ଼ିକ ଉପଲବ୍ଧ । ଏଥିରେ ଗୁଗୁଲ ପ୍ଲେ ଷ୍ଟୋର ମଧ୍ୟ ରହିଛି, ଯେଉଁଠୁ ୟୁଜର୍ସ ମାନେ ଆପ୍ ଡାଉନଲୋଡ୍ କରିପାରିବେ । JioPhone NEXT ରେ ଭଏସ୍ ଆସିଷ୍ଟାଣ୍ଟ ଏବଂ ଲାଙ୍ଗୁଏଜ୍ ଟ୍ରାନ୍ସଲେସନର ଫିଚର ମଧ୍ୟ ରହିଛି ।
ସେପ୍ଟେମ୍ବର ୧୦ ତାରିଖରୁ ଏହା ଭାରତୀୟ ବଜାରରେ ଉପଲବ୍ଧ ହେବ । କେବଳ ଭାରତରେ ନୁହେଁ ବିଶ୍ୱର ସବୁଠୁ ଶସ୍ତା ସ୍ମାର୍ଟଫୋନ୍ ଜିଓଫୋନ୍ ହେବ ବୋଲି କମ୍ପାନୀ ପକ୍ଷରୁ କୁହାଯାଇଛି ।ତେବେ ଏହାର ମୂଲ୍ୟ କେତେ ରହିଛି ତାହା ଏଯାଏଁ ଘୋଷଣା କରାଯାଇନାହିଁ ।
