ସନଷ୍ଟାର ଟିଭି ବ୍ୟୁରୋ
ଖୋର୍ଦ୍ଧା:କରୋନା ମହାମାରୀ ଯୋଗୁଁ ଏହି ଲକ୍ ଡାଉନ ସମୟରେ ସମସ୍ତ ଧାର୍ମିକ ସ୍ଥଳ ବନ୍ଦ ହେବା କାରଣରୁ ଲୋକମାନେ ମନ୍ଦିର ଆସୁନାହାନ୍ତି। ଯାହା ଫଳରେ ପୂଜା ପାଠ କରି ନିଜର ପରିବାର ଚଳାଉଥିବା ସେବାୟତ ମାନେ ନିଜର ପରିବାର ଚଲେଇବାରେ ଅସୁବିଧାର ସମ୍ମୁଖୀନ ହେଉଛନ୍ତି। ଆଜି ହିନ୍ଦୁ ଜାଗରଣ ମଞ୍ଚ ଓଡ଼ିଶା ପକ୍ଷରୁ ଖୋର୍ଦ୍ଧା ଅଞ୍ଚଳର ବିଭିନ୍ନ ମନ୍ଦିରର ସେବାୟତ ମାନଙ୍କୁ ସ୍ଥାନୀୟ ଧବଳେଶ୍ବର ମନ୍ଦିର,ରାଧା ବଲ୍ଲଭ ମନ୍ଦିର ଓ ସ୍ୱପ୍ନେଶ୍ୱର ମନ୍ଦିର ଠାରେ ବିଭିନ୍ନ ମନ୍ଦିରର ୫୦ରୁ ଉର୍ଦ୍ଧ୍ବ ସେବାୟତ ମାନଙ୍କୁ ଏକାଠି କରି ରାସନ ଯୋଗେଇ ଦିଆଯାଇଛି। ଏହି କାର୍ଯ୍ୟକ୍ରମରେ ହିନ୍ଦୁ ଜାଗରଣ ମଞ୍ଚର ପ୍ରାନ୍ତ ସଂଗଠନ ସମ୍ପାଦକ ଶ୍ରୀ ତନ୍ମୟ ଦାସ, ଜିଲ୍ଲା ସଂଯୋଜକ ବଜେନ୍ଦ୍ର ଚୌଧୁରୀଙ୍କ ନେତୃତ୍ୱରେ ହୋଇଥିଲା ନଗର ସଙ୍ଘଚାଳକ କିଶୋର ବରାଳ,ରାକେଶ ଦେବ, ଚନ୍ଦନ ପାଟ୍ଟଶାଣୀ, ସଞ୍ଜିତ ମହାପାତ୍ର ପ୍ରମୁଖ ଉପସ୍ଥିତ ଥିଲେ।
ରିପୋର୍ଟ:ସଞ୍ଜୟ କର,ଖୋର୍ଦ୍ଧା
