ସନଷ୍ଟାର ଟିଭି ବ୍ୟୁରୋ
ସଉଥମ୍ପଟନ୍: ବହୁ ପ୍ରତିକ୍ଷୀତ ବିଶ୍ବ ଟେଷ୍ଟ ଚମ୍ପିଆନସିପ ଫାଇନାଲ ମ୍ୟାଚ୍ ଆରମ୍ଭ ହୋଇଯାଇଛି । ନ୍ୟୁଜିଲାଣ୍ଡ ଟସ୍ ଜିତି ପ୍ରଥମେ ବୋଲିଂ କରିବାର ନିଷ୍ପତି ନେଇଛି । ତେବେ ଭାରତୀୟ ଖେଳାଳୀମାନେ ହାତରେ କଳା ବ୍ୟାଚ୍ ପିନ୍ଧି ମଇଦାନକୁ ଓହ୍ଲାଇଛନ୍ତି । ଶୁକ୍ରବାର ରାତିରେ ଚଣ୍ଡିଗଡରେ ଫ୍ଲାଇଙ୍ଗ୍ ଶିଖ୍ ତଥା କିମ୍ବଦନ୍ତୀ ଧାବକ ମିଲଖା ସିଂହ ଶେଷ ନିଶ୍ବାସ ତ୍ୟାଗ କରିଛନ୍ତି ।ତାଙ୍କୁ ସମ୍ମାନ ଜଣାଇ ଭାରତୀୟ ଖେଳାଳି କଳା ବ୍ୟାଚ୍ ପିନ୍ଧି ଖେଳୁଛନ୍ତି । ଟିମ ଇଣ୍ଡିଆ କ୍ୟାପଟେନ ବିରାଟ କୋହଲି ଶନିବାର ମିଲଖା ସିଂହଙ୍କ ମୃତ୍ୟୁରେ ଗଭୀର ଶ୍ରଦ୍ଧାଞ୍ଜଳୀ ଜଣାଇଥିଲେ । “ଟ୍ରାକ କିମ୍ବଦନ୍ତୀଙ୍କ ଜୀବନବ୍ୟାପୀ ସାଧନା ଓ ନିଷ୍ଠାର କାହାଣୀ ଉତ୍କର୍ଷତାର ଲକ୍ଷ୍ୟ ରଖିଥିବା ସାରା ଦେଶକୁ ପ୍ରେରିତ କରିଛି । କୌଣସି ବି ପରିସ୍ଥିତିରେ କେବେ ହାର୍ ନ ମାନିବା ତାଙ୍କ ଶବ୍ଦକୋଷରେ ନଥିଲା, ନିଜର ସ୍ବପ୍ନକୁ ପୂରଣ କରିବାକୁ ସଂପୂର୍ଣ୍ଣ ସମର୍ପଣ ଭାବକୁ ଦେଶ କେବେ ଭୁଲିପାରିବ ନାହିଁ । ତୁମେ ସର୍ବଦା ସ୍ମରଣୀୟ ରହିବ ବୋଲି ଟ୍ୱିଟ୍ କରି ଲେଖିଥିଲେ କୋହଲି ।
ଭାରତୀୟ ଚୁଡାନ୍ତ ଏକାଦଶ: ବିରାଟ କୋହଲି(କୋହଲି), ରୋହିତ ଶର୍ମା, ଶୁଭମ ଗିଲ୍, ଚେତେଶ୍ବର ପୂଜାରା, ଅଜିଙ୍କ୍ୟ ରାହାଣେ(ଭାଇସ-କ୍ୟାପଟେନ୍), ଋଷଭ ପନ୍ତ(ୱିକେଟ କିପର), ରବିନ୍ଦ୍ର ଜାଡେଜା, ରବିଚନ୍ଦ୍ରନ ଅଶ୍ବିନ, ଜଶପ୍ରୀତ ବୁମରା, ଇଶାନ୍ତ ଶର୍ମା, ମହମ୍ମଦ ସାମି ।
ନ୍ୟୁଜଲାଣ୍ଡ ଟିମ୍ ଏକାଦଶ- ଟମ୍ ଲଥାମ୍, ଡିଭନ୍ କନଓ୍ୱେ, କେନ୍ ଓ୍ୱିଲିୟମସନ୍, ରସ୍ ଟେଲର୍, ହେନରୀ ନିକୋଲାସ୍, ବିଜେ ଓ୍ୱାଟଲିଙ୍ଗ, କୋଲିନ୍ ଡ୍ ଗ୍ରାଣ୍ଡହୋମ୍, କେଲି ଜାମିସନ୍, ନେଲ୍ ଓ୍ୱାଗନର୍, ଟିମ୍ ସାଉଥି, ଟ୍ରେନ୍ଟ ବୋଲ୍ଟ ।
