ସନଷ୍ଟାର ଟିଭି ବ୍ୟୁରୋ
ବୌଦ୍ଧ: ପୁଣି ଓଡିଆ ବୋହୂ କଲେ କମାଲ । ଜାତୀୟ ସ୍ତରୀୟ ସୁନ୍ଦରୀ ପ୍ରତିଯୋଗିତାରେ ସ୍ଥାନ ହାସଲ କଲେ ଓଡିଆ ବୋହୂ । ମିସେସ୍ ଭାରତୀୟ ଡିଭା ପ୍ରତିଯୋଗିତାରେ ଭାଗ ନେଇ ବୌଦ୍ଧ ଜିଲ୍ଲାର ପିଙ୍କି ମେହେର ଦ୍ବିତୀୟ ରନର୍ସ ଅପ ହୋଇଛନ୍ତି । ଯେଉଁଥିପାଇଁ ଏବେ ତାଙ୍କ ନିକଟକୁ ଚାରିଆଡୁ ଶୁଭେଚ୍ଛାର ସୁଅ ଛୁଟୁଛି ।
ବୌଦ୍ଧ ଜିଲ୍ଲା ଦହ୍ୟା ଅଞ୍ଚଳରେ ପିଙ୍କି ମେହେରଙ୍କ ଘର । ସାଂସାରିକ ଜଞ୍ଜାଳରେ ଛନ୍ଦି ହୋଇ ମଧ୍ୟ ନିଜ ଦୃଢ ଇଛାଶକ୍ତି ଓ ପରିଶ୍ରମ ବଳରେ ପିଙ୍କି ଏଭଳି ସଫଳତା ହାତେଇ ପାରିଛନ୍ତି । ଅଳ୍ପ ବୟସରେ ବିବାହ ପରେ ମଧ୍ୟ ପିଙ୍କି ଦୃଢ ମନୋବଳ ଯୋଗୁଁ ପ୍ରଥମେ ପିଜି ଶିକ୍ଷା ଲାଭ ପରେ ବିଏଡ ମଧ୍ୟ ସମ୍ପୂର୍ଣ୍ଣ କରିଛନ୍ତି । ସେ ଦୁଇଟି ସନ୍ତାନର ଜନନୀ ମଧ୍ୟ ଅଟନ୍ତି । ହେଲେ ନିଜ ଅନ୍ତର୍ନିହିତ ପ୍ରତିଭାକୁ ସାରା ଦେଶ ଆଗରେ ପ୍ରତିପାଦିତ କରି ଏବେ ସମସ୍ତଙ୍କ ପାଇଁ ଦୃଷ୍ଟାନ୍ତ ସାଜିଛନ୍ତି । ତେବେ ନିଜ ସ୍ବାମୀ ଓ ପରିବାର ପରିଜନଙ୍କୁ ସହଯୋଗରେ ଡିଭା ଭାରତୀୟ ସୁନ୍ଦରୀ ପ୍ରତିଯୋଗିତାରେ ସେ କୃତକାର୍ଯ୍ୟ ହୋଇଥିବା କହିଛନ୍ତି ପିଙ୍କି ।
