ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଓଡ଼ିଶା ହକି ଆଡହକ କମିଟିର ନୂତନ ଚେୟାରମ୍ୟାନ ଚୟନ କରାଯାଇଛି । ପୂର୍ବତନ ହକି ଖେଳାଳୀ ଦିଲ୍ଲୀପ ତିର୍କୀ ଏହି କମିଟିର ନୂତନ ଚେୟାରମ୍ୟାନ ଭାବେ ମନୋନିତ ହୋଇଛନ୍ତି ।ଏଥି ସହିତ ସଦସ୍ୟ ଆବାହକ ଭାବେ ଚୟନ ହୋଇଛନ୍ତି କ୍ରୀଡ଼ା ବିଭାଗ ଉପସଚିବ ଶୈଳେନ୍ଦ୍ର ଜେନା । ଅନ୍ୟପଟେ ଭୋଳାନାଥ ସିଂହ, ରାଜେନ୍ଦ୍ର ପାଣି, ଆର.କେ ଶ୍ରୀବାସ୍ତବ, ଅଧିପ ଦାସ ଆଡହକ କମିଟି ସଦସ୍ୟ ହୋଇଥିବା ବେଳେ ପୂର୍ବରୁ ଭୋଳାନାଥ ସିଂହଙ୍କୁ କମିଟି ଚେୟାରମ୍ୟାନ କରାଯାଇଥିଲା ।
ତେବେ ଦିଲ୍ଲୀପ ତିର୍କୀ ଓଡିଶା ହକି ଟିମର ଜଣେ ଉଚ୍ଚକୋଟୀର ଖେଳାଳୀ ଥିଲେ । ସେ 1995ରେ ଇଂଲଣ୍ଡ ବିରୁଦ୍ଧରେ ନିଜର ପ୍ରଥମ ମ୍ୟାଚ୍ ଖେଳିଥିଲେ । 2010 ମସିହାରେ ସେ ହକି ଖେଳରୁ ଅବସର ଗ୍ରହଣ କରିଥିଲେ । ସେ ଅନେକ ସମ୍ମାନଜନକ ପୁରସ୍କାର ପଦ୍ମଶ୍ରୀ, ଅର୍ଜୁନ ପୁରସ୍କାର, ଏକଲବ୍ୟ ପୁରସ୍କାର, ଶୋକେସ୍ ଓଡିଶା ଆଓ୍ବାର୍ଡରେ ସମ୍ମାନୀତ ହୋଇଛନ୍ତି ।
