ସନଷ୍ଟାର ଟିଭି ବ୍ୟୁରୋ
ପୁରୀ: ପୁରୀ ଜିଲ୍ଲାରେ ବିମାନବନ୍ଦର ପ୍ରତିଷ୍ଠା ହେବା ନେଇ ଏୟାରପୋର୍ଟ ଅଥରିଟି ଅଫ ଇଣ୍ତିଆର ବୈଷୟିକ ଟିମ ବିଭିନ୍ନ ଅଞ୍ଚଳ ବୁଲି ପରିଦର୍ଶନ କରିଛନ୍ତି । ଏଏଆଇ ଟିମରେ ଦିଲ୍ଲୀର ୪ ଜଣ ଓ ଭୁବନେଶ୍ବରର ୨ ଜଣ ବିମାନବନ୍ଦର ବିଶେଷଜ୍ଞ ସାମିଲ ଅଛନ୍ତି । ସେମାନେ ପୁରୀ ସଦର ସିପସରୁବାଲି ମୌଜାର ଗିରଳ ଓ ସିପସରୁବାଲି ଅଞ୍ଚଳ ଜାଗାର ସର୍ଭେ ସହ ବାଲୁଖଣ୍ତ ଅଞ୍ଚଳର ଦୁଇଟି ଜାଗାର ପରିଦର୍ଶନ କରିଛନ୍ତି । ତେବେ ଏହି ବୈଷୟିକ ଟିମ ସହ ଜିଲ୍ଲାପାଳ ସମର୍ଥ ବର୍ମା ଓ ଉପଜିଲ୍ଲାପାଳ ମଧ୍ୟ ଉପସ୍ଥିତ ଥିଲେ ।
ସର୍ଭେ ଜମିର ନକ୍ସା ଓ କାଗଜପତ୍ରର ବୈଷୟିକ ଟିମ ଅନୁଧ୍ୟାନ କରିବା ସହ ଦୁଇଦିନିଆ ଗସ୍ତରେ ଆସିଥିବା ଏହି ଟିମ ଜିଲ୍ଲାପ୍ରଶାସନର ପ୍ରସ୍ତାବିତ ଜମିର ସମୀକ୍ଷା କରିବେ ।
ତେବେ ଆଜି ସନ୍ଧ୍ୟାରେ ଜିଲ୍ଲାପ୍ରଶାସନ ସହ ଏନେଇ ଏହି ବୈଷୟିକ ଟିମର ହେବ ସ୍ବତନ୍ତ୍ର ଆଲୋଚନା ହେବ ବୋଲି ସୂଚନା ମିଳିଛି ।
