ସନଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ରେଳ ଷ୍ଟେସନରେ ଟିକେଟ୍ ବୁକିଂ କଲେ ଗ୍ରାହକଙ୍କୁ ମିଳିବ ଛାଡ । ରେଳ ମନ୍ତ୍ରଣାଳୟ ଷ୍ଟେସନରୁ ଯେଉଁ ଯାତ୍ରୀ ୟୁପିଆଇ ଓ ଭୀମ ଆପ ଜରିଆରେ ଟିକେଟ କରିବେ ସେମାନଙ୍କୁ ଟିକେଟ ମୂଲ୍ୟରୁ କିଛି ଟଙ୍କା ଛାଡ କରାଯିବ ବୋଲି ସୂଚନା ଦେଇଛନ୍ତି ରେଳ ମନ୍ତ୍ରଣାଳୟ । ମନ୍ତ୍ରଣାଳୟର ସୂଚନା ମୁତାବକ ଯେଉଁ ଯାତ୍ରୀ ଷ୍ଟେସନରୁ ଏହି ଆପ ଜରିଆରେ ଟଙ୍କା ପୈଠ କରି ଟିକେଟ କିଣିବେ ସେମାନଙ୍କୁ ଟିକେଟର ମୂଳ ଦାମ ଉପରେ ୫ ପ୍ରତିଶତ ଛାଡ ମିଳିବ ।
ଭାରତୀୟ ରେଳ ବିଭାଗ ଏହି ଅଫର ଘୋଷଣା କରିବା ବେଳେ କହିଛନ୍ତି କି ଯାତ୍ରୀ ମାନଙ୍କୁ ଏହି ସୁବିଧା ଜୁନ ୧୨ ତାରିଖ ୨୦୨୨ ପର୍ଯ୍ୟନ୍ତ ମିଳିବ । ଏହାସହ ଯାତ୍ରୀ କିଣୁଥିବା ଟିକେଟର ମୂଲ୍ୟ ୧୦୦ ଟଙ୍କା ଉପରେ ହୋଇଥିବା ଆବଶ୍ୟକ । ଯାତ୍ରୀମାନେ କେବଳ ରେଳ ଷ୍ଟେସନ କାଉଁଣ୍ଟରରୁ ଟିକେଟ କିଣିଲେ ଏଭଳି ଲାଭ ପାଇପାରିବେ । ଅନଲାଇନ୍ ଟିକେଟ ବୁକିଂ କରୁଥିବା ଯାତ୍ରୀଙ୍କୁ ଏହି ଲାଭ ମିଳିବ ନାହିଁ ।
