ସନଷ୍ଟାର ଟିଭି ବ୍ୟୁରୋ
ଜଗତସିଂହପୁର: ପୁଣି ଚମକିଲେ ଓଡିଆ ପୁଅ । ଚଳିତ ବର୍ଷର ଷ୍ଟୋରୀ ମିରର ଶ୍ରେଷ୍ଠ ଲେଖକ ସମ୍ମାନରେ ସମ୍ମାନୀତ ହେଲେ ଜଗତସିଂହପୁର ଜିଲ୍ଲା ଏରସମା ବ୍ଲକ ଅନ୍ତର୍ଗତ ଗଡକୁଜଙ୍ଗ ଗ୍ରାମ ପଞ୍ଚାୟତର ନୋଳିଆସାହି ଗ୍ରାମର ଯୁବ କବି ତଥା ଗାଳ୍ପିକ ଧୀରେନ୍ଦ୍ର ବେହେରା । ବିଶ୍ଵ ମାତୃତ୍ଵ ଦିବସରେ ବୋଉ ପ୍ରତିଯୋଗିତାରେ ୧୬୩୪ ରୁ ଅଧିକ ପ୍ରତିଯୋଗୀ ଭାଗ ନେଇଥିଲେ । ଭାବ , ଭାଷା ଓ ସାହିତ୍ୟକୁ ଲକ୍ଷ୍ୟ କରି ୨୦ ଜଣଙ୍କୁ ଚୟନ କରାଯାଇଥିଲା । ପରବର୍ତ୍ତୀ ସମୟରେ ସେହି ୨୦ ଜଣ ପ୍ରତିଯୋଗୀଙ୍କ ମଧ୍ୟରେ ସାମାଜିକ ଗଣ ମାଧ୍ୟମରେ ଭୋଟ ର ବ୍ୟବସ୍ଥା କରା ଯାଇଥିଲା । ଏହି ଭୋଟ ମାଧ୍ୟମରେ ଶ୍ରୀମାନ ବେହେରା ସର୍ବାଧିକ ଭୋଟ ପାଇ ବିଜୟ ଲାଭ କରିବା ଜଣା ଯାଇଛି ।
ତେବେ ଏହି ୟୁବଲେଖକ ସର୍ବ ଭାରତୀୟ ସ୍ତରରେ ଭାଗବତ ଗୀତାରେ ସ୍ଵର୍ଣ୍ଣ ପଦକ ହାସଲ କରିଥିଲେ । ବିଭିନ୍ନ ଅନୁଷ୍ଠାନପକ୍ଷରୁ ୫୦ ରୁ ଉର୍ଦ୍ଧ୍ବ ଥର ସମ୍ମାନ ଓ ସମ୍ବର୍ଦ୍ଧିତ କରାଯାଇଛି । କିଛି ଦିନ ପୂର୍ବରୁ କେନ୍ଦ୍ର ମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କ ଦ୍ଵାରା ପ୍ରତିଭା ପ୍ରିୟ କବି ଓ ଲେଖକ ସମ୍ମାନ, ଓଡିଶା ସରକାରଙ୍କ ଦ୍ଵାରା ପ୍ରତିଭା ଗୀତା ଗୌରବ ସମ୍ମାନ ଓ ଜିଲ୍ଲା ପାଳଙ୍କ ଦ୍ଵାରା ରାଷ୍ଟ୍ରୀୟ ଛାତ୍ର ପ୍ରତିଭା ସମ୍ମାନ ରାଜ୍ୟସ୍ତରୀୟ ପୁରସ୍କାର ପୁରସ୍କୃତ ହୋଇଥିଲେ ।
