ସନଷ୍ଟାର ଟିଭି ବ୍ୟୁରୋ
ପାରାଦୀପ: ବନ୍ଦର ନିଷିଦ୍ଧାଞ୍ଚଳ ମଧ୍ୟରେ ଏକ ଟ୍ରେନ, କୋଇଲା ବୋଝେଇ ହାଇଓ୍ବାକୁ ଧକ୍କା ଦେଇଛି । ଏହି ଦୁର୍ଘଟଣାରେ ହାଇଓ୍ବାଟି ସମ୍ପୂର୍ଣ୍ଣ ଭାଙ୍ଗି ଚୁର୍ ମାର ହେଇଯାଇଥିବା ବେଳେ ଚାଳକ ଜଣକ ଅଳ୍ପକେ ବର୍ତ୍ତି ଯାଇଥିବା ସୂଚନା ମିଳିଛି ।
ସୂଚନା ମୁତାବକ, ଆଜି ଦିନ ୧୨ ସମୟରେ ଏକ ଟ୍ରେନ ବନ୍ଦର ଭିତରକୁ ପଶୁଥିଲା । ୩ ନମ୍ବର ଗେଟ ପାଖ 8 ନମ୍ବର ପ୍ଲଟରୁ କୋଇଲା ବୋଝେଇ କରି ଆସୁଥିବା ଏକ ହାଇଓ୍ବା (ଓଡ଼ି-୨୧-ଜି-୭୦୮୭) କୁ ଟ୍ରେନ ଟି ଧକ୍କା ଦେଇଥିଲା । ଫଳରେ ହାଇଓ୍ୱାଟି କିଛି ବାଟ ଘୋଷାରି ହୋଇ ଯିବା ସହ ଭାଙ୍ଗି ଚୂରମାର୍ ହୋଇଯାଇଛି । ସ୍ୱଭାଗ୍ୟବଶତଃ, ଗାଡି ଚାଳକ ଅଳ୍ପକେ ବର୍ତ୍ତି ଯାଇଛନ୍ତି ।
ତେବେ ଉକ୍ତ ସ୍ଥାନରେ ବାରମ୍ୱାର ଦୁର୍ଘଟଣା ଘଟୁଥିବା ଲୋକେ ଅଭିଯୋଗ କରିଛନ୍ତି । ସେହି ରେଳ ଧାରଣା ବାଟେ ପ୍ରତିଦିନ ହଜାର ହଜାର ଟ୍ରକ ଯାତାୟାତ କରୁଥିଲେ ମଧ୍ୟ କେହି ଜଗୁଆଳ ନଥିବାରୁ ଏଭଳି ଦୁର୍ଘଟଣା ବାରମ୍ବାର ଘଟୁଛି ।
