ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଆଜି ସନ୍ଧ୍ୟା ୫ ଟା ବେଳେ ଦେଶବାସୀଙ୍କୁ ସମ୍ବୋଧନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟ୍ବିଟ କରାଯାଇ ଏହାର ସୂଚନା ଦିଆଯାଇଛି । ତେବେ ମହାମାରୀ କୋରୋନା ତଥା ସମ୍ଭାବିତ ତୃତୀୟ ଲହର ନେଇ କିଛି ବଡ ବାର୍ତ୍ତା ଦେଇ ପାରନ୍ତି ବୋଲି ଚର୍ଚ୍ଚା ହେଉଛି ।ମହାମାରୀ କୋରୋନାର ଦ୍ବିତୀୟ ଲହରୀ ହ୍ରାସ ସହିତ ଦେଶରେ ଅନଲକ୍ ପ୍ରକ୍ରିୟା ଆରମ୍ଭ ହୋଇସାରିଛି ।ଅନଲକ ପ୍ରକ୍ରିୟା ମଧ୍ୟରେ ଜନସାଧାରଣଙ୍କୁ ସତର୍କତା ଅବଲମ୍ବନ କରିବାକୁ ଅପିଲ କରିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ସହିତ ଭ୍ୟାକ୍ସିନେସନକୁ ନେଇ ମଧ୍ଯ ପ୍ରଧାନମନ୍ତ୍ରୀ ମୋଦି କିଛି ବାର୍ତ୍ତା ଦେଇପାରନ୍ତି ।
