ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ବାକି ଥିବା ଆଇପିଏଲ ମ୍ୟାଚ୍ ପୁଣି ଥରେ ଆରମ୍ଭ ହେବ । ପୁଣି ଚାଲିବ ଆଇପିଏଲ ମହାସମର । କିଛିଦିନ ତଳେ ବିସିସିଆଇ ଆଇପିଏଲର ବଳକା ମ୍ୟାଚ୍ ୟୁଏଇରେ ଖେଳାଯିବ ବୋଲି ଘୋଷଣା କରିିଥିଲା । ତେବେ କେବେ ବଳକା ମ୍ୟାଚ୍ ଆରମ୍ଭ ହେବ ଓ ଫାଇନାଲ ମୁକାବିଲା କେବେ ଖେଳାଯିବ ଏନେଇ ଘୋଷଣା କରିନଥିଲା ବିସିସିଆଇ। ହେଲେ ଆଜି ଏନେଇ ଖବର ପ୍ରକାଶ ପାଇଛି ।
ନ୍ୟୁଜ୍ ଏଜେନ୍ସି ଏଏନ୍ଆଇ ମୁତାବିକ, ଆଇପିଏଲ-୧୪ର ବଳକା ମ୍ୟାଚ୍ ସେପ୍ଟେମ୍ବର ୧୯ ତାରିଖରେ ଆରମ୍ଭ ହେବ । ସେହିପରି ଫାଇନାଲ ମୁକାବିଲା ଅକ୍ଟୋବର ୧୫ ତାରିଖରେ ଖେଳାଯିବ ବୋଲି ଏକ ରିପୋର୍ଟ ପ୍ରକାଶ ପାଇଛି। ବିସିସିଆଇର ଜଣେ ଅଧିକାରୀ ଏଏନ୍ଆଇକୁ କହିଛନ୍ତି ଯେ, ଭାରତୀୟ କ୍ରିକେଟ ବୋର୍ଡ ଓ ୟୁଏଇ ବୋର୍ଡ ମଧ୍ୟରେ ହୋଇଥିବା ବୈଠକ ସଫଳ ରହିଥିଲା।
ଅଧିକାରୀ ଜଣକ ଆହୁରି କହିଛନ୍ତି ଯେ, ବିସିସିଆଇ ଓ ୟୁଏଇ କ୍ରିକେଟ ବୋର୍ଡ ମଧ୍ୟରେ ଆଲୋଚନା ସଫଲ ହୋଇଛି। ବିସିସିଆଇର ଏସିଜିଏମ ବୈଠକ ପୂର୍ବରୁ ୟୁଏଇରେ ବଳକା ଆଇପିଏଲ ମ୍ୟାଚ୍ ଆୟୋଜନକୁ ଗ୍ରୀନ୍ ସିଗନାଲ ଦେଇଥିଲା ୟୁଏଇ। ସେପ୍ଟେମ୍ବର ୧୯ରୁ ଆଇପିଏଲ ପୁଣିଥରେ ଆରମ୍ଭ ହେବ। ଫାଇନାଲ ମ୍ୟାଚ୍ ଅକ୍ଟୋବର ୧୫ତାରିଖରେ ଖେଳାଯିବ। ବିସିସିଆଇ ବଳକା ମ୍ୟାଚ୍କୁ ୨୫ ଦିନ ଭିତରେ ହିଁ ଶେଷ କରିବାକୁ ଚାହୁଁଥିଲା ବୋଲି ଅଧିକାରୀ ଜଣକ କହିଛନ୍ତି।
