ସନଷ୍ଟାର ଟିଭି ବ୍ୟୁରୋ
ହାଇଦ୍ରାବାଦ: ଓଟିଟି ପ୍ଲାଟଫର୍ମରେ ରିଲିଜ ହୋଇଛି ‘ଦି ମାଉଣ୍ଟେନ୍ ହକି’ । ଓଟିଟି ପ୍ଲାଟଫର୍ମ ଡିଜିନି ପ୍ଲସ୍ ହଟଷ୍ଟାରରେ ରିଲିଜ ହୋଇଛି ଏହି ହକି ଆଧାରିତ ଫିଲ୍ମ । ଏହା ଓଡିଆର ପ୍ରଥମ ଡକୁମେଣ୍ଟାରୀ ଫିଲ୍ମ, ଯାହା ଓଟିଟି ପ୍ଲାଟଫର୍ମରେ ରିଲିଜ ହୋଇଛି ।
ରାଜ କିଶୋର ହୋତା ଏବଂ ମନୀଷ ଭୂଷଣ ମିଶ୍ର ଏହି ଫିଲ୍ମକୁ ନିର୍ମାଣ କରିଛନ୍ତି । 2018ରେ ଭୁବନେଶ୍ବରରେ ପୁରୁଷ ହକି ବିଶ୍ବକପର ସଫଳତା ପରେ ଓଡିଶାର ହକି ଉପରେ ଡକୁମେଣ୍ଟାରୀ ନିର୍ମାଣ ପାଇଁ ପ୍ରେରଣା ପାଇଥିଲେ ନିର୍ମାତା ।ଏହି ଡକ୍ୟୁମେଣ୍ଟାରୀ ଓଡିଶାର ଜଣେ କ୍ରୀଡା ଶିକ୍ଷକଙ୍କ ଉପରେ ପର୍ଯ୍ୟବେଶିତ । ହକି ପ୍ରଶିକ୍ଷକ ରାଜେନ୍ଦ୍ର କୁମାର କୁଜୁରଙ୍କ ଜୀବନିକୁ ନେଇ ଫିଲ୍ମଟି ଆଧାରିତ । ଆଦିବାସୀ ଅଞ୍ଚଳରେ ମହିଳାମାନଙ୍କୁ ହକି ଶିକ୍ଷା କେତେ କଷ୍ଟକର, ତାହାହିଁ ଫିଲ୍ମର କାହାଣୀ ।
