ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ‘ଫେୟାର ଆଣ୍ଡ ଲଭଲି’ ବିଜ୍ଞାପନରୁ ନିଜକୁ ପରିଚୟ ପ୍ରଦାନ କରିଥିବା ବଲିଉଡ୍ ଅଭିନେତ୍ରୀ ୟାମି ଗୌତମ ଗତକାଲି ରାତିରେ ବିବାହ ବନ୍ଧନରେ ବାନ୍ଧି ହୋଇଛନ୍ତି । ଉରୀ: ଦ ସର୍ଜୀକାଲ ଷ୍ଟ୍ରାଇକର ନିର୍ଦ୍ଦେଶକ ଆଦିତ୍ୟ ଧରଙ୍କୁ ସେ ବିବାହ କରିଛନ୍ତି । ତାଙ୍କ ବିବାହ ହିମାଚଳ ପ୍ରଦେଶରେ ମହାଆଡମ୍ୱରରେ ସମ୍ପନ୍ନ ହୋଇଛି । ଦୁଇ ଜଣ ଯାକ ସୋସିଆଲ ମିଡିଆରେ ନିଜ ଫୋଟୋ ସେୟାର କରିଛନ୍ତି । ସୋସିଆଲ୍ ମିଡିଆରେ ଦୁଇ ଜଣଙ୍କ ବିବାହ ଫୋଟୋ ଖୁବ୍ ଭାଇରାଲ ହେବାରେ ଦେଖାଯାଉଛି ଓ ସେମାନଙ୍କ ନିକଟକୁ ଶୁଭକାମନାର ସୁଅ ଛୁଟିଛି । ୟାମି ଏହି ଶୁଭ ଅବସରରେ ଲାଲ ରଙ୍ଗର ଏକ ଶାଢ଼ି ପିନ୍ଧିଥିବାବେଳେ ଆଦିତ୍ୟ ଆଇଭରି ରଙ୍ଗର ଶେରୱାନି ପିନ୍ଧିଥିଲେ । ଉଭୟଙ୍କର ନିକଟତମ ପରିଜନମାନେ ଏହି ଅବସରରେ ଉପସ୍ଥିତ ଥିଲେ ।
ତେବେ ୟାମି କାବିଲ, ବଦଲାପୁର, ଭିକି ଡୋନର, ‘ବାଲା’ ଭଳି ଫିଲ୍ମରେ ଅଭିନୟ କରି ଦର୍ଶକଙ୍କ ହୃଦୟ ଜିତିଥିବା ବେଳେ ଆଦିତ୍ୟ ଜଣେ ଫିଲ୍ମ ନିର୍ଦ୍ଦେଶକ ସହିତ ଜଣେ ଲେଖକ ମଧ୍ୟ ଅଟନ୍ତି ।
