ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଭାରତର ଉପରାଷ୍ଟ୍ରପତି ଭେଙ୍କିୟା ନାଇଡୁଙ୍କ ବ୍ୟକ୍ତିଗତ ଟ୍ୱିଟର ଆକାଉଣ୍ଟକୁ ଯାଞ୍ଚ ହୋଇନାହିଁ (unverified) ବୋଲି ସୂଚିତ କରି ବ୍ଲୁ ଟିକ୍ ହଟାଇଛି ଟ୍ୱିଟର । ଯାହାକୁ ନେଇ ବେଶ୍ ଚର୍ଚ୍ଚା ହେଉଛି । ଉପରାଷ୍ଟ୍ରପତିଙ୍କ ବ୍ୟକ୍ତିଗତ ଆକାଉଣ୍ଟ M.Venkaiah Naidu ଆକାଉଣ୍ଟରୁ ଏହି ବ୍ଲୁ ଟିକ ହଟାଯାଇଛି । ଯେଉଁଥିରେ ତାଙ୍କର ପ୍ରାୟ 1.3 ଲକ୍ଷ୍ୟ ଫୋଲୋର୍ସ ରହିଥିଲେ । ତେବେ ତାଙ୍କର ଅଫିସିଆଲ୍ ଆକାଉଣ୍ଟ @VPSecretariat ଆକାଉଣ୍ଟରେ ବ୍ଲୁ ଚିକ୍ ରହିଛି । ଓ ଏଥିରେ ତାଙ୍କର 9.3 ଲକ୍ଷ୍ୟ ଫୋଲୋର୍ସ ରହିଛନ୍ତି ।
ତେବେ ଟ୍ୱିଟର ସୂଚନା ଅନୁଯାୟୀ, ଯଦି କେହି ନିଜର ଟ୍ୱିଟର ହ୍ୟାଣ୍ଡେଲ ନାମ (@handle) ବଦଳାଇଥାଏ ପରେ ସେହିପରି ଭାବରେ ଏହାର ବ୍ୟବହାର କରିନଥାଏ ତେବେ ଏହାକୁ ଯାଞ୍ଚ କରାଯାଇ ଏହାକୁ ଅନଭେରିଫାଏଡ୍ କରାଯାଏ । ଏହି ଆଧାରରେ ଉପରାଷ୍ଟ୍ରପତିଙ୍କ ଆକାଉଣ୍ଟରୁ ମଧ୍ୟ ବ୍ଲୁଟିକ୍ ହଟାଯାଇଛି ।
