ସନଷ୍ଟାର ଟିଭି ବ୍ୟୁରୋ
କଟକ: କଟକ ସାଲେପୁର ଅଞ୍ଚଳର ବିଦ୍ୱାନ ପଣ୍ଡିତ ଦୁଃଖୀଶ୍ୟାମ ଦାସଙ୍କ ଆଜି ପରଲୋକ ଘଟିଛି । ଯାହାକୁ ନେଇ ସାରା ସାଲେପୁର ଅଞ୍ଚଳରେ ଶୋକର ଛାୟା ଖେଳିଯାଇଛି । ପଣ୍ଡିତ ଦୁଃଖୀଶ୍ୟାମ ଦାସ ବ୍ରାହ୍ମଣ ନହୋଇ ମଧ୍ୟ ଯାଗ ଯଜ୍ଞ, ଚଣ୍ଡୀ ପାଠ, ଗୀତା,ଋଦ୍ରାଭିଷେକ କରିପାରୁଥିଲେ । ଚାରି ବେଦରେ ମଧ୍ୟ ସେ ପାଣ୍ଡିତ୍ୟ ହାସଲ କରିଥିଲେ । ଯେଉଁଥିପାଇଁ ସାଲେପୁରରେ ଶୋକାକୁଳ ପରିବେଶ ସୃଷ୍ଟି ହୋଇଛି । ତାଙ୍କ ଜନ୍ମମାଟି ରେ ତାଙ୍କର ଶବକୁ ସତ୍କାର କରାଯାଇଛି ।ତାଙ୍କ ଶବ ସତ୍କାର ସମୟରେ ମିନକେତନ ଦାସ,ସୁଲଭ ଚରଣ ନାୟକ, କୈଳାସ ଶତପଥୀ, ସନ୍ତୋଷ ମହାନ୍ତି, ଧୀରେନ୍ଦ୍ର ଓଝା, ତାଙ୍କ ର ଅଧିକାଂଶ ଛାତ୍ର ଓ ସମସ୍ତ ଗ୍ରାମବାସୀ ମାନେ ଉପସ୍ଥିତ ରହି ତାଙ୍କ ଅମର ଆତ୍ମାର ସଦଗତି କାମନା କରିଥିଲେ ।
ତେବେ ମୃତ୍ୟୁ ବେଳକୁ ପଣ୍ଡିତ ଦୁଃଖୀଶ୍ୟାମଙ୍କୁ ୯୨ ବର୍ଷ ହୋଇଥିଲା । ସେ ୧୯୨୯ ମସିହାରେ କଟକ ଜିଲ୍ଲା ସାଲେପୁର ବ୍ଲକ ଅନ୍ତର୍ଗତ ଶଉରୀ ଗ୍ରାମରେ ଜନ୍ମ ଗ୍ରହଣ କରିଥିଲେ । ସେ ଶିକ୍ଷା ଲାଭ କରିବା ପରେ ଶିକ୍ଷକ ଭାବରେ କାର୍ଯ୍ୟ କରିଥିଲେ । ସେ ବ୍ରାହ୍ମଣ ନହୋଇ ମଧ୍ୟ ଯାଗ ଯଜ୍ଞ, ଚଣ୍ଡୀ ପାଠ, ଗୀତା,ଋଦ୍ରାଭିଷେକ ମଧ୍ୟ କରି ପାରୁଥିଲେ ଓ ସେ ଜଣେ ବିଦ୍ୱାନ ପଣ୍ଡିତ ଉପାଧି ହାସଲ କରିଥିଲେ ।
