ସନଷ୍ଟାର ଟିଭି ବ୍ୟୁରୋ
ପାଟଣାଗଡ: ବଲାଙ୍ଗୀର ଜିଲ୍ଲା ପାଟଣାଗଡରେ ଘଟିଛି ଏକ ଦୁଃଖଦ ଘଟଣା । ସ୍ତ୍ରୀଙ୍କ ମୃତ ଦେହକୁ ଧରି ଆମ୍ୱୁଲାନ୍ସରେ ଫେରିବା ବାଟରେ ଆମ୍ୱୁଲାନ୍ସଟି ଦୁର୍ଘଟଣାର ଶିକାର ହୋଇଛି । ଫଳରେ ସେହିଠାରେ ଆଖି ବୁଜିଛନ୍ତି ସ୍ୱାମୀ । ପାଟଣାଗଡ ପଦ୍ମପୁର ମୁଖ୍ୟ ରାସ୍ତା ଝୁଲେନବର ଓ ପାଢେଲ ଗ୍ରାମ ମଝିରେ ଏହି ଆମ୍ବୁଲାନ୍ସ ଦୁର୍ଘଟଣା ଗ୍ରସ୍ତ ହୋଇଛି । ଗତକାଲି ବିଳମ୍ବିତ ରାତ୍ରିରେ ଏହି ଦୁର୍ଘଟଣା ଘଟିଥିବା ବେଳେ ମୃତକ ହେଉଛନ୍ତି , ତୁରେକେଲା ବ୍ଲକ ଅନ୍ତର୍ଗତ ଲର୍କି ଗ୍ରାମର ବିପିନ ସେଠ ଏବଂ ତାଙ୍କ ପତ୍ନୀ ହେଉଛନ୍ତି ସାଏବାନୀ ସେଠ ।
ସୂଚନା ଅନୁସାରେ, ଗତ କିଛି ଦିନ ହେବ ସାଏବାନୀ ବୁର୍ଲା ଡାକ୍ତରଖାନାରେ ଚିକିତ୍ସତ ହେଉଥିଲେ । ଗତକାଲି ଚିକିତ୍ସତ ଅବସ୍ଥାରେ ବୁର୍ଲା ଠାରେ ତାଙ୍କର ମୃତ୍ୟୁ ହୋଇଥିଲା । ତାଙ୍କ ମୃତ ଶରୀରକୁ ନେଇ ତାଙ୍କ ସ୍ୱାମୀ ବିପିନ ଏକ ଆମ୍ବୁଲାନ୍ସ (ଓଡି-୧୫-୨୮୫୫)ରେ ନିଜ ଘରକୁ ଫେରୁଥିବା ସମୟରେ କୌଣସି କାରଣବଶତଃ ଆମ୍ବୁଲାନ୍ସଟି ଏକ ଗଛରେ ପିଟି ହୋଇଥିଲା । ଓ ବିପିନଙ୍କ ସେହିଠାରେ ମୃତ୍ୟୁ ଘଟିଥିଲା । ତେବେ ଗାଡି ଚାଳକ ଜଣକ ଫେରାର୍ ଅଛନ୍ତି ।ଆଜି ସକାଳେ ଖବର ପାଇ ସକାଳେ ପାଟଣାଗଡ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିଛି ।
