ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ବର୍ଷା ଋତୁ ଆସିବା ପୂର୍ବରୁ ଭାରତକୁ ଛୁଇଁବ ମୌସୁମୀ । ଆସନ୍ତାକାଲି କେରଳ ଛୁଇଁବ ମୌସୁମୀ । ନିର୍ଦ୍ଧାରିତ ସମୟ ପୂର୍ବରୁ ମୌସୁମୀ କେରଳ ଛୁଇଁବା ସହ ଓଡିଶାକୁ ମଧ୍ୟ ଆଗୁଆ ଆସିବ । ଆଣ୍ଡାମାନ ନିକୋବର ଦୀପରେ ପୂର୍ବ ନିର୍ଦ୍ଧାରିତ ମେ ୨୧ରେ ମୌସୁମୀ ପହଞ୍ଚି ସାରିଛି । ଉତ୍ତର ପଶ୍ଚିମ ଦିଗରେ ଆଗକୁ ମୌସୁମୀ ବଢୁଛି । ସାଧାରଣତଃ ଜୁନ ମଧ୍ୟଭାଗରେ ଓଡିଶାକୁ ମୌସୁମୀ ଆସିଥାଏ । ତେବେ ଚଳିତ ବର୍ଷ ଚାରି ଦିନ ପୂର୍ବରୁ ଓଡିଶାକୁ ଛୁଇଁବ ମୋସୁମୀ । ଜୁନ ୧୦ରେ ଓଡିଶାକୁ ମୌସୁମୀ ଛୁଇଁବାର ସମ୍ଭାବନା ରହିଛି ବୋଲି ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି ।
