ସନଷ୍ଟାର ଟିଭି ବ୍ୟୁରୋ
କଟକ: ଓଲିଉଡ୍ ଜଗତରୁ ପୁଣି ଏକ ଦୁଃଖଦ ଖବର ସାମ୍ନାକୁ ଆସିଛି । ପ୍ରସିଦ୍ଧ ଓଡିଆ ସଙ୍ଗୀତ ନିର୍ଦ୍ଦେଶକ ଶାନ୍ତିରାଜ ଖୋସଲାଙ୍କର ଦେହାନ୍ତ ହୋଇଛି । କିଛିଦିନ ପୂର୍ବେ ସେ କରୋନା ପଜିଟିଭ୍ ଚିହ୍ନଟ ହୋଇଥିଲେ । ଏହାପରେ ସେ ହୋମ ଆଇସୋଲେସନରେ ଥିଲେ । ଦେହ ଅଧିକ ଅସୁସ୍ଥ ହେବାରୁ ସେ କଟକ ଏସସିବିରେ ଚିକିତ୍ସିତ ଚିକିତ୍ସିତ ହେଉଥିଲେ । ତେବେ ଆଜି ସକାଳ ସମୟରେ ସେଠାରେ ତାଙ୍କର ମୃତ୍ୟୁ ଘଟିଛି । ଶାନ୍ତିରାଜଙ୍କ ମୃତ୍ୟୁ ଖବର ପରେ ଓଡ଼ିଆ ସଙ୍ଗୀତ ଜଗତରେ ଶୋକର ଛାଇ ଖେଳି ଯାଇଛି।
ଶାନ୍ତିରାଜଙ୍କ ଘର କୋରାପୁଟ ଜିଲ୍ଲାରେ ହୋଇଥିଲେ ମଧ୍ୟ ସେ କଟକ ବକ୍ସି ବଜାରରେ ରହୁଥିଲେ । ଓଡିଆ ସଙ୍ଗୀତ ଦୁନିଆରେ ତାଙ୍କ ଅଭୁଲା ଛାପ ସବୁଦିନ ପାଇଁ ରହିବ । ଓଡ଼ିଆ ଚଳଚିତ୍ର ଧନରେ ରଖିବୁ ଶପଥ ମୋର, ବାଇଶି ପାହାଚେ ଖେଳିବ ମୀନ, ତୋର ମୋର ଯୋଡି ସୁନ୍ଦର, ଫେରିଆ ପରି ୨୦ରୁ ଅଧିକ ସିନେମା ଆଉ ୨ ହଜାର ରୁ ଅଧିକ ଆଲବମ ଗୀତରେ ସେ ସଂଗୀତ ନିର୍ଦେଶନା ଦେଇଥିଲେ। ଫେରିଆ ପାଇଁ ସେ ରାଜ୍ୟ ଚଳଚିତ୍ର ପୁରସ୍କାର ପାଇଥିଲେ। କେବଳ ଆଲବମ ନୁହେଁ ସେ ଭଜନରେ ମଧ୍ୟ ଛାପ ଛାଡିଛନ୍ତି ।
