ସନ୍ଷ୍ଟାର ଟିଭି ବ୍ୟୁରୋ
ମୁମ୍ବାଇ : ଦେଶରେ କରୋନା ମହାମାରୀ ନିଜର କାୟା ବିସ୍ତାର କରିଚାଲିଛି । ଉଚ୍ଚ ନିଚ୍ଚ କାହାକୁ ବି ଛାଡୁନି ଏହି ମହାମାରୀ । ତେବେ ଏହି ସମୟରେ ଲୋକମାନଙ୍କୁ ସାହାଯ୍ୟ କରି ଗରିବଙ୍କ ପାଇଁ ଭଗବାନ ସାଜିଥିବା ବଲିଉଡ ଜଗତର ଜଣାଶୁଣା ବ୍ୟକ୍ତି ସୋନୁ ସୁଦ ଏବେ ଲୋକମାନଙ୍କୁ ସାହାଯ୍ୟ କରିବା ପାଇଁ ଆଉ ଏକ ମାଧ୍ୟମ ବାହାର କରିଛନ୍ତି । ବର୍ତ୍ତମାନ ସୋନୁ ସୁଦ୍ ଫ୍ରୀ କୋଭିଡ ୧୯ ହେଲପ୍ ଲଞ୍ଚ କରିଛନ୍ତି । ଯାହାଦ୍ବାରା ଲୋକମାନେ ଘରେ ବସି କରୋନା ଟେଷ୍ଟ କରାଇପାରିବେ ।
ସୋନୁ ସୁଦ ତାଙ୍କ ଟ୍ୱିଟର ହ୍ୟାଣ୍ଡେଲରୁ ଟୁଇଟ୍ କରି ଏହି ସୂଚନା ଦେଇଛନ୍ତି। ସେ ଟ୍ୱିଟ୍ କରି ଲେଖିଛନ୍ତି, ଆପଣ ଆରାମ କରନ୍ତୁ, ମୋତେ ପରୀକ୍ଷା କରିବାକୁ ଦିଅ। HealWell24 ଏବଂ Krsnaa Diagnostics Pvt ଲି. ସହିତ । ‘ ସୋନୁ ସୁଦ ଏକ ଟେମ୍ପଲେଟ୍ ମଧ୍ୟ ସେୟାର କରିଛନ୍ତି । ଏହା ଉପରେ ସମ୍ପୂର୍ଣ୍ଣ ସୂଚନା ଦେଇଛନ୍ତି ଏବଂ ଲେଖିଛନ୍ତି ଯେ, ସାହାଯ୍ୟ ଆପଣଙ୍କ ଘରକୁ ଆସିବ । ଆପଣ ଜଣେ ଡାକ୍ତରଙ୍କ ସହିତ ପରାମର୍ଶ ନେଇପାରିବେ, ଏଥିପାଇଁ ଏକ ଟ୍ରୋଲ୍ ଫ୍ରି ନମ୍ବର ଦିଆଯାଇଛି । ଏହା ବ୍ୟତୀତ, ଆପଣ କୋଭିଡ଼ ପରୀକ୍ଷା ମଧ୍ୟ କରିପାରିବେ ।
ତେବେ ଗତ ବର୍ଷ ଠାରୁ କରୋନା ଆରମ୍ଭ ହେବା ଦିନ ଠାରୁ ସାଧାରଣ ଲୋକଙ୍କୁ ସାହାଯ୍ୟର ହାତ ବଢାଇଛନ୍ତି ସୋନୁ ସୁଦ୍ । ପ୍ରବାସୀମାନଙ୍କୁ ସାହାଯ୍ୟ କରି ସେମାନଙ୍କୁ ସୁରକ୍ଷିତ ଭାବେ ଘର ପହଞ୍ଚାଇ ଥିଲେ । ତେବେ ବର୍ତ୍ତମାନ ଲୋକଙ୍କ ପାଖରେ ଅକ୍ସିଜେନ ପହଞ୍ଚାଇବା ଠାରୁ ଆରମ୍ଭ କରି ରୋଗୀଙ୍କ ଚିକିତ୍ସା ପର୍ଯ୍ୟନ୍ତ ବିମାନ ମାଧ୍ୟମରେ ହାଇଦ୍ରାବାଦ ପର୍ଯ୍ୟନ୍ତ ପହଞ୍ଚାଉଛନ୍ତି ସୋନୁ ସୁଦ୍ ।
You, take REST.
Let me handle the TEST.Launching FREE COVID HELP with @HealWell24 @Krsnaa_D@SoodFoundation pic.twitter.com/TXDEp5jRAc
— sonu sood (@SonuSood) April 27, 2021
