ସନ୍ଷ୍ଟାର ଟିଭି ବ୍ୟୁରୋ
ବାଲେଶ୍ଵର: ଗତକାଲି ବିଳମ୍ଵିତ ରାତ୍ରରେ ବାଲେଶ୍ଵର ଜିଲ୍ଲା ଆମ୍ବୁଡ଼ିହା ଅଞ୍ଚଳରେ ଏକ ଭୟାବହ ଅଗ୍ନିକାଣ୍ଡ ଘଟିଛି । ବିଦ୍ୟୁତ ସର୍ଟ ସର୍କିଟ ଯୋଗୁଁ ନିଆଁ ଲାଗି ୬ ବଖରା ଘର ଜଳି ପାଉଁଶ ହୋଇଯାଇଛି । ତେବେ ଘର ମଧ୍ୟରେ ଥିବା ୬ଟି ଗ୍ୟାସ ଟାଙ୍କିରେ ମଧ୍ୟ ନିଆଁଲାଗିଯାଇଥିଲା । ସେଥିରୁ ତିନୋଟି ଟାଙ୍କି ଫାଟି ଆହୁରୀ ଭୟାବହ ଅଗ୍ନୀକାଣ୍ଡ ହୋଇଥିଲା ।
ତେବେ ଘଟଣାସ୍ଥଳରେ ନୀଳଗିରି ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲା । ସୂଚନାଅନୁସାରେ ଗତକାଲି ରାତିରେ ପରିବାର ଲୋକ ଶୋଇଥିବା ବେଳେ ଏହି ଅଗ୍ନୀକାଣ୍ଡ ଘଟିଥିଲା । ତିନୋଟି ପରିବାରର ୬ ବଖରା ଘର ଜଳିପୋଡି ଛାରଖାର ହୋଇଯାଇଛି । । ନିଆଁ ଲାଗିବା କ୍ଷଣି ତିନୋଟି ପରିବାରର ଲୋକମାନେ ଘରୁ ବାହାରକୁ ପଳାଇ ଆସିବାରୁ ଅଳ୍ପକେ ବର୍ତ୍ତି ଯାଇଥିଲେ । ତେବେ ଘରେ ଥିବା ଲକ୍ଷାଧିକ ଟଙ୍କାର ସୁନା, ଗହଣା, ଧାନ, ଚାଉଳ, ଓ ଅନ୍ୟାନ୍ୟ ଆସବାବପତ୍ର ଜଳିପୋଡି ପାଉଁଶ ହୋଇଯାଇଛି।
