ସନ୍ଷ୍ଟାର ଟିଭି ବ୍ୟୁରୋ
କଟକ: କୁଖ୍ୟାତ ଅପରାଧି ହାଇଦର କରୋନା ପଜିଟିଭ୍ ଚିହ୍ନଟ ହୋଇଛି ।ଗତକାଲି ଆଣ୍ଟିଜେନ ଟେଷ୍ଟରୁ ସେ କରୋନା ସଂକ୍ରମିତ ହୋଇଥିବାର ଜଣାପଡ଼ିଛି ।କୋର୍ଟ ଚାଲଣ କରିବା ପୂର୍ବରୁ ହାଇଦରରର କରୋନା ଟେଷ୍ଟ କରାଯାଇଥିଲା । କରୋନା ଆକ୍ରାନ୍ତ ହେବା ପରେ ପୁଲିସର ପାଇଁ ଚିନ୍ତାର କାରଣ ସାଜିଛି । ହାଇଦରକୁ ଚୌଦ୍ବାର ଜେଲରେ ସଙ୍ଗରୋଧରେ ରଖାଯାଇଛି । ତେବେ ହାଇଦରକୁ ଧରିଥିବା ପୋଲିସ୍ ଟିମ୍କୁ ମଧ୍ୟ ସଙ୍ଗରୋଧରେ ରହିବା ପାଇଁ ପରାମର୍ଶ ଦିଆଯାଇଛି । ପୋଲିସ୍ ଏହାର ରିମାଣ୍ଡକୁ ମଧ୍ୟ ସ୍ଥଗିତ ରଖିଛି ।
ସୂଚନାଯୋଗ୍ୟ, ଗତ ୧୦ ତାରିଖରେ ଏସସିବି ସର୍ଜରୀ ୱାର୍ଡରୁ ହାଇଦର ପୋଲିସ୍ ପଞ୍ଝାରୁ ଫେରାର୍ ହୋଇ ଯାଇଥିଲା । ତେବେ ଗୁରୁବାର ଦିନ ପୋଲିସ ହାଇଦରକୁ ତେଲଙ୍ଗାନାରୁ ସ୍ଥାନୀୟ ପୋଲିସ ସହାୟତାରେ ଗିରଫ କରିଥିଲା । ଗତକାଲି ବିମାନ ଯୋଗେ ଭୁବନେଶ୍ୱର ଅଣାଯିବା ପରେ କଟକ ଡିସିପି ଅଫିସକୁ ହାଇଦରକୁ ନିଆଯାଇଥିଲା ।
