ସନ୍ଷ୍ଟାର ଟିଭି ବ୍ୟୁରୋ
(image courtesy of DNA)
ମୁମ୍ଵାଇ: ବଲିଉଡ୍ ଜଗତର ଚଳିତ ବର୍ଷର ଏପର୍ଯ୍ୟନ୍ତର ସବୁଠୁ ବଡ ଖବର ସାମ୍ନାକୁ ଆସିଛି । କାର୍ତ୍ତିକ୍ ଆରିୟାନ୍ଙ୍କୁ ଲାଗିଛି ବଡ ଝଟକା । ଧର୍ମା ପ୍ରଡକ୍ସନ୍ ହାଉସ୍ ତାଙ୍କୁ ନିଜର ନିର୍ମାଣାଧିନ ଫିଲ୍ମ ଦୋସ୍ତାନା- ୨ ରୁ ବାହାର କରିଦେଇଛନ୍ତି ଓ ଏଥିସହିତ ଧର୍ମା ପ୍ରଡକ୍ସନ୍ର କୌଣସି ଫିଲ୍ମରେ କାର୍ତ୍ତିକ୍ଙ୍କୁ ସ୍ଥାନ ଦିଆଯିବ ନାହିଁ ବୋଲି ଘୋଷଣା କରିଛି । କାର୍ତ୍ତିକ ଆରିୟନ ସପ୍ତାହ ସାରା ନୁଆ ନୁଆ ଖବରକୁ ନେଇ ଚର୍ଚ୍ଚାରେ ରହିଛନ୍ତି । ତେବେ ପ୍ରଥମେ ନିଜେ କାର୍ତ୍ତିକ୍ ଧର୍ମା ପ୍ରଡକ୍ସନରେ ଶରଣ ଶର୍ମାଙ୍କୁ ନିର୍ଦ୍ଦେଶନାରେ ନିର୍ମାଣ ହେଉଥିବା ଫିଲ୍ମରେ ମୁଖ୍ୟ ଅଭିନେତା ଭାବେ ନଜର ଆସିବେ ବୋଲି କହିଥିଲେ ଯାହାକୁ କରନ ଜୋହର ଟ୍ଵିଟ୍ କରି ମିଛ ବୋଲି କହିଥିଲେ ।
ତେବେ ସୂଚନା ଅନୁଯାୟୀ ଅନ୍ଲକ୍ ପରେ ଦୋସ୍ତାନା-୨ ର ସୁଟିଂକୁ ନେଇ କାର୍ତ୍ତିକ୍ ଆରିୟାନ୍ ବାରମ୍ଵାର ତାରିଖ ବଦଳାଉଥିଲେ । ଫିଲ୍ମ ସୁଟିଂ ପାଇଁ ଟାଇମ୍ ନ ଦେଉଥିବାରୁ ଧର୍ମା ପ୍ରଡକ୍ସନ ଚିନ୍ତିତ ହୋଇ ବୈଠକ ଡକାଇ ଏହି ବିଷୟରେ ନିଷ୍ପତି ନେଇଥିଲା । ସେହି ନିଷ୍ପତି ଅନୁସାରେ ଧର୍ମା ପ୍ରଡକ୍ସନ୍ର କୌଣସି ଫିଲ୍ମରେ ବି କାର୍ତ୍ତିକ ନଜର ଆସିବେ ନାହିଁ । ଯାହାକୁ ଶୁଣି କାର୍ତ୍ତିକ ଆରିୟାନଙ୍କ ପାଦ ତଳୁ ମାଟି ଖସି ଯାଇଛି । ତେବେ କାର୍ତ୍ତିକ୍ ଆରିୟନ ଲୁକାଛୁପି, ଲଭ ଆଜ୍କାଲ୍, ପତି ପତ୍ନୀ ଓ ଓ୍ଵୋ ଫିଲ୍ମରେ ନଜର ଆସିଛନ୍ତି ।
