ପିପିଲି କଂଗ୍ରେସ ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ, କରୋନାରେ ଥିଲେ ଆକ୍ରାନ୍ତ

ସନ୍‌ଷ୍ଟାର ଟିଭି ବ୍ୟୁରୋ 

ପିପିଲି: ପିପିଲି ଉପନିର୍ବାଚନ ରେ କଂଗ୍ରେସ ପକ୍ଷରୁ ନିର୍ବାଚନରେ ଲଢୁଥିବା ପ୍ରାର୍ଥୀ ଅଜିତ୍ ମଙ୍ଗରାଜଙ୍କ ପରଲୋକ ଘଟିଛି । କିଛି ଦିନ ତଳେ ସେ କରୋନାରେ ଆକ୍ରାନ୍ତ ଥିଲେ ଓ ସେ ଭୁବନେଶ୍ଵରର ଏକ ଘରୋଇ ହସ୍ପିଟାଲ ଆପୋଲୋ ରେ ଚିକିତ୍ସିତ ହେଉଥିଲେ । ନିର୍ବାଚନ ପାଇଁ ଆଉ ମାତ୍ର ୩ ଦିନ ଥିବା ବେଳେ ଅଜିତ୍‌ଙ୍କ ମୃତ୍ୟୁ ଏକ ଅତ୍ୟନ୍ତ ଦୁଃଖଦାୟକ ଘଟଣା ଅଟେ । ତେବେ ନିର୍ବାଚନରେ ଛିଡା ହୋଇଥିବା ପ୍ରାର୍ଥୀଙ୍କର ମୃତ୍ୟୁ ହେଲେ ନିର୍ବାଚନ ସ୍ଥଗିତ ରହିଥାଏ । ତେବେ ଏପରି ପରିସ୍ଥିତିରେ ନିର୍ବାଚନ କମିଶନ ଘୋଷଣା କରିନଥିଲେ ମଧ୍ୟ ଖୁବ୍ ଶୀଘ୍ର ଏନେଇ ଘୋଷଣା କରିବେ ବୋଲି ସୂଚନା ମିଳିଛି ।