ସନ୍ଷ୍ଚାର ଟିଭି ବ୍ୟୁରୋ
କଟକ: କୁଖ୍ୟାତ ଅପରାଧି ହାଇଦରର ସହଯୋଗୀ ୟାକୁବ୍ ଓରଫ୍ ସିଲୁ ପୋଲିସ ନିକଟରେ ଆତ୍ମସମର୍ପଣ କରିଛି । କଟକ ଚାଉଳିଆ ଗଞ୍ଜ ଥାନାରେ ସେ ଆତ୍ମସମର୍ପଣ କରିଛି । ହାଇଦରର୍ ଫେରାର୍ ପଛରେ ୟାକୁବ୍ର ହାତଥିବା ଖୁବ୍ ଚର୍ଚ୍ଚା ହେଉଥିଲା । ତେବେ ସେ ଆତ୍ମ ସମର୍ପଣ କଲା ପରେ ହାଇଦର ବିଷୟରେ ପୋଲିସ୍ ବହୁ ଗୁରୁତ୍ଵପୂର୍ଣ୍ଣ ତଥ୍ୟ ହାସଲ କରିପାରିବ ।
ଅନ୍ୟପକ୍ଷରେ ହାଇଦର୍ ଏସ୍ସିବିରେ ଚିକିତ୍ସିତ ହେଉଥିଲା ବେଳେ ୟାକୁବ୍ ତାକୁ ଦେଖା କରିବାକୁ ଆସୁଥିଲା । ଏବଂ ତାଙ୍କ ପାଇଁ ଖାଇବା ମଧ୍ୟ ଆଣୁଥିଲା । ହାଇଦର ଫେରାର୍ ହେବା ପରେ ପୋଲିସ୍ର ନିଦ ହଜିଯାଇଛି । ହାଇଦରକୁ ଧରିବା ପାଇଁ ବଡ ସର୍ଚ୍ଚ ଅପରେସନ ଆରମ୍ଭ କରିଛି ପୋଲିସ । ସଡ଼କ ପଥରୁ ରେଳପଥ, ସୀମା ଅଞ୍ଚଳର ପ୍ରମୁଖ ଛକ ଗୁଡିକରେ ପୋଲିସ୍ ସର୍ଚ୍ଚ ଜାରି ରଖିଛି । ତେବେ ମୁଖ୍ୟ ସହଯୋଗୀ ଆତ୍ମସମର୍ପଣ କଲା ପରେ ହାଇଦରକୁ ଧରା ପଡିପାରେ ବୋଲି ଅନୁମାନ କରାଯାଉଛି ।
